კლინიკები და პოლიკლინიკები, სადაც შეგიძლიათ გრიპზე აიცრათ

ცნობილია, რომ სახელმწიფომ სეზონური გრიპის საწინააღმდეგო, 4-კომპონენტიანი ვაქცინა შეისყიდა და ის ხელმისაწვდომია ნებისმიერ პოლიკლინიკაში (საცხოვრებელი ადგილის მიხედვით), სადაც იმუნიზაციის კაბინეტებია.

„პრაიმტაიმი“ გთავაზობთ იმ კლინიკებისა და პოლიკლინიკების ნაწილის ჩამონათვალს, რომელთანაც დაკავშირება მოვახერხეთ:

კლინიკა „მედსი“ – ხელმისაწვდომია გრიპის ვაქცინის ის მაგარია, რომელიც განსაზღვრულია რისკ-ჯგუფებზე.

კლინიკა „მედისონი“ – ვაქცინის მარაგი არის და განსაზღვრულია შესაბამის ჯგუფებზე

კლინიკა „მედკაპიტალი“ – ვაქცინა ხელმისაწვდომია.

კლინიკა „ევექსი“ – გრიპის ვაქცინა ხელმისაწვდომია შესაბამისი ჯგუფებისთვის.

პოლიკლინიკები:

საოჯახო მედიცინის ეროვნული სასწავლო ცენტრი (ჩუღურეთის რაიონი) – გრიპის ვაქცინის მარაგი არის. ოჯახის ექიმთან კონსულტაციის შემთხვევაში, პაციენტი საჭირო დოზას მიიღებს.

№3 სამკურნალო პოლიკლინიკური ცენტრი  და №3 მოზრდილთა პოლიკლინიკა (დიდუბის რაიონი) – ხელმისაწვდომია დიაბეტით, ასთმით დაავადებულებისთვის, ასევე და 70-წელს გადაცილებული ადამიანებისთვის.

№30 შერეული პოლიკლინიკა (კრომ მედიკალი) (ნაძალადევის რაიონი) – 65  წელს ზევით, რისკ-ჯგუფებისთვისაა გრიპის ვაქცინა გათვლილი.

№4 სამკურნალო-პროფილაქტიკური ცენტრი – (ისნის რაიონი) ვაქცინა ხელმისაწვდომია  65 წელს ზემოთ მოქალაქეებისთვის, ფილტვებისა და გულის და დიაბეტით,C- ჰეპატიტით დაავადებული პაციენტებისთვის, ასევე ორსულებისთვის და ბაღის მასწავლებელთათვის.

№23 ბავშვთა პოლიკლინიკა (გლდანის რაიონი) – გრიპის ვაქცინა ხელმისაწვდომია პენსიონერებისთვის და ქრონიკული დააავდებების მქონდე ადამიანებისთვის. აცრა შესაძლებელია სამშაბათსა და ხუთშაბათს, 11:00-დან 16:00 საათის ჩათვლით.

№14 შერეული პოლიკლინიკა (საბურთალოს რაიონი) – ვაქცინა ხელმისაწვდომია 65 წელს ზემოთ მქონე, გულ-სისხლძარღვთა ქრონიკული დაავადებების, ფილტვის დაავადებების და ასევე დიაბეტის მქონე ადამიანებისთვის. ასევე, ბაღის იმ თანამშრომლებისთვის, რომლებიც რეგისტრირებულები არიან აღნიშნულ პოლიკლინიკაში.

№8 მოზრდილთა პოლიკლინიკა – ვაქცინა ხელმისაწვდომია დიაბეტით დაავადებული და ორსული მოქალაქეებისთვის.

№19 ბავშვთა პოლიკლინიკა – (სამგორის რაიონი) – ვაქცინა ხელმისაწვდომია დიაბეტით დაავადებული ადამიანებისთვის, ასევე, შსს-ს თანამშრომლებისთვის.