კიმ ჩენ ინი შვილთან ერთად პირველად გამოჩნდა (ფოტო)

ჩრდილოეთ კორეის ლიდერი კიმ ჩენ ინი შვილთან ერთად პირველად გამოჩნდა.

დიქტატორმა ქალიშვილი ბალისტიკური რაკეტის გამოცდაზე დასასწრებად წაიყვანა.

კიმ ჩენ ინის ქალიშვილის არსებობა აქამდე საჯაროდ არასოდეს დადასტურებულა. ექსპერტების თქმით, მას სამი შვილი ჰყავს, ორი გოგო და ერთი ბიჭი.

2013 წელს პენსიაზე გასულმა ამერიკელი კალათბურთის ვარსკვლავმა დენის როდმანმა განაცხადა, რომ კიმს ჰყავდა პატარა ქალიშვილი, სახელად ჯუ აე. იმ წელს ჩრდილოეთ კორეაში მოგზაურობის შემდეგ, როდმანმა The Guardian-ს განუცხადა, რომ მან დრო კიმთან და მის ოჯახთან ერთად გაატარა და ბავშვი ხელშიც აიყვანა.

ჯუ აე დაახლოებით 12-13 წლისაა, რაც იმას ნიშნავს, რომ 4-5 წელიწადში იგი უნივერსიტეტში სწავლას დაიწყებს.

ექსპერტები ფიქრობენ, რომ კიმ ჩენ ინის მიერ ქალიშვილის საჯაროდ გამოჩენა მიანიშნებს იმაზე, რომ იგი მიიღებს განათლებას იმისთვის, რომ კიმი თავის მომავალ მემკვიდრეს ამზადებს.

.