ხათუნა ჟორდანია თურქეთში შემოწმებაზე ჩასულს ახალი პრობლემა აღმოუჩინეს და ამჟამად, მკურნალობის კურსს გადის. ამის შესახებ მან ფეისბუკ Live-ში თავად ისაუბრა.
„ამჟამად ვიმყოფები სტამბოლში, ჩამოვედი შესამოწმებლად, მიწევდა სამ თვეში ერთხელ ჩამოსვლა, გადამიყვანეს 6 თვეზე, თუმცა ჩამოვედი ცოტა დაგვიანებით 6 თვის თავზე და კიდევ რაღაც ახალი პრობლემა დაინახეს. გავდივარ მკურნალობის კურსს, რაც გამოიხატება დასხივებაში, ანუ ვიკეთებ თითქმის ყოველ დღე“ – ამბობს ჟორდანია და სხვა პაციენტებს გამამხნევებელ მიმართვას უგზავნის:
„სიმსივნე არ არის განაჩენი და ბრძოლას ყოველთვის აქვს აზრი, მე ვიყავი და ვარ ამის მაგალითი. ზუსტად ვიცი ის პატარა პრობლემა რაც არის იმასაც მოვერევი და ვიბრძოლებ ბოლომდე რომ მოვერიო ამ ვერაგ დაავადებას. ყველა ის ადამიანი, ვინც ებრძვის ამ დაავადებას, ერთი წამით არ დაყაროთ ფარ-ხმალი. ბრძოლას ყოველთვის აქვს აზრი, მე ჩემი სიცოცხლით დაგიმტკიცებთ, რომ ყველა დაავადება განკურნებადია. თუ ადამიანი მოინდომებს“.
კომენტარები