“პარი სენ-ჟერმენის“ დიდი მონდომების მიუხედავად, ამ ზაფხულს ხვიჩა კვარაცხელია „ნაპოლის“ არ დატოვებს და მომავალ სეზონშიც მის ღირსებას დაიცავს, – ამის შესახებ იტალიური მედია წერს.
„ხვიჩა კვარაცხელია მომავალ სეზონშიც „ნაპოლიში“ რჩება, ის ხელშეუხებელია. „პარი სენ-ჟერმენმა“ თეთრი დროშა აღმართა. ლუის კამპოსი (პსჟ-ის სპორტული დირექტორი) მიხვდა, რომ სხვა გზა არ არის – ხვიჩა კვარაცხელიას გადაბირება შეუძლებელია. მას უწევს უკან დახევა ნაპოლეონის მსგავსად, რომელსაც რუსეთში თავდაპირველად დიდი მიზნები ჰქონდა.
„პარი სენ-ჟერმენმა“ ქართველის აგენტისკენ პირველი ნაბიჯები გადადგა, მოლაპარაკებები იმედის მომცემი ჩანდა, რადგან ფეხბურთელმა, რომელსაც 5-წლიან კონტრაქტსა და 7,5 მილიონი ევროს ოდენობის ხელფასს ჰპირდებოდნენ, გამოთქვა საფრანგეთში გადასვლის მზადყოფნა. ბოლო სიტყვა აურელიო დე ლაურენტისს უნდა ეთქვა და პრეზიდენტიც შეუვალი აღმოჩნდა – მისთვის კვარაცხელიას საკითხი არ განიხილებოდა.
ამრიგად, კვარაცხელიას გარემოცვისთვის ყველაფერი გასაგებია. ფეხბურთელი, სულ ცოტა, კიდევ ერთი სეზონს გაატარებს ნაპოლიში, კლუბი კი მას კონტრაქტს განუახლებს, რათა თავი უფრო მშვიდად და კომფორტულად იგრძნოს“, – წერს იტალიური მედია.
კომენტარები