“ხვალ ანონიმი გამოჩნდება, რომელიც იტყვის, რომ ნიკა მელიას გირაო გადაიხადა” – ირაკლი ოქრუაშვილი

თავდაცვის ყოფილი მინისტრი, ირაკლი ოქრუაშვილი “ტვ პირველის” ეთერში ნიკა მელიას საქმეზე საუბრობს:

“შესაძლოა რამდენიმე სცენარი განვითარდეს, მაგალითად: ხვალ ვიღაც ანონიმი გამოჩნდება, რომელიც იტყვის, რომ მე ნიკა მელიას ციხეში ჯდომა არ მინდა, მაქვს ამის საშუალება და გირაო გადავიხადე – დღეს ამ თემაზე იმდენი ილაპარაკა პროკურორმა, თავი გაიშიფრა.

ან მეორე ვარიანტია – მოსამართლე არ განიხილავს, თაროზე შემოდებს ამ საქმეს და მესამე ვარიანტიც შეიძლება, მოსამართლემ თქვას, რომ აი, მე არ ვეთანხმები პროკურატურას და მერე იტყვიან, რომ დამოუკიდებელი სასამართლო გვყავს. 88 კაცის მორჩილებას და ერთგულებას ამოწმებდა ივანიშვილი დღეს.

დაჭერას არ ვუშვებ. შარშანწინ და შარშან მე და უგულავა ჩვენი ფეხით წავედით ციხეში. ახლა ასე აღარ ვაპირებთ, მარცხენა ყბაში თუ დაგვარყამენ, მარჯვენას აღარ მივუშვერთ. არ დავანებებთ მელიას, დღეს თუ იქ უგულავა იყო, ხვალ ჩემი რიგი იქნება, ზეგ სხვისი. ამასობაში საერთაშორისო პარტნიორების განწყობაც დაგვეწევა. არ დავემორჩილებით, გამორიცხულია.

ეს აღარ არის პოლიცია, ეს არის ივანიშვილის კერძო დაცვის სამსახური.

იმდენად უგუნურები არიან, მთელმა ოპოზიციამ მოითხოვა მათი უფლებამოსილების შეჩერება, დღეს რომ კენჭი ეყარათ და ერთიანობაში შეეწყვიტათ უფლებამოსილება, მელიას თემაზე ხომ ხმას ვეღარ ამოვიღებდით?

ჩვენი ბრალია, არჩევნების მერე ამოსუნთქვის საშუალება რომ მივეცით… სანამ საცივის, ჩაქაფულის, ზაფხულში ზღვის სეზონს არ ამოვიღებთ, რომ ამათ თავისი ადგილი მივუჩინოთ, მანამდე არაფერი გამოვა.

მელიას არ გავატანთ, გამორიცხულია, მაგრამ ხელისუფლებას შეუძლია ჩვენი ლოკალიზება ნაციონალური მოძრაობის ოფისში, ნაცვლად იმისა რომ რეგიონებში გავიდეთ…

მთელი ამ წლების განმავლობაში თავად არ მოუნდომებია ოპოზიციას სიტუაციის ასე ადუღება, რამდენიც ხელისუფლებამ ქნა, 20 ივნისი რა იყო? 20 ივნისის მარტივად ჩახშობაც შეეძლოთ.”

არ დავემორჩილებით, ივანიშვილის ჭორვილის ღობესაც შევამოწმებთ გამძლეობაზე და მის სოლოლაკის კარსაც. ყველაფერს გავაკეთებთ, რომ ეს ქვეყანა ჭაობში აღარ დარჩეს.”