„დადგება მათი სამართლებრივი პასუხისმგებლობის დროც, ვინც ასე გაწირა ეს უდანაშაულო ადამიანი“ – ამის შესახებ დეკანოზი გიორგი მამალაძის ადვოკატი სოციალურ ქსელში წერს:
„ხვალ 2022 წლის 10 თებერვალია. ანუ 5 წელი გახდება, რაც დეკანოზი გიორგი მამალაძე უკანონო ტყვეობაშია! მღვდელი, რომელიც საპატრიარქომ და ხელისუფლებამ ერთობლივად გაწირა (ეს ჩემი პირადი შეფასებაა), კიდურებგაჩერებული და პარალიზებული უკვე სამი წელია საწოლსაა მიჯაჭვული.ხო მართლა, მოსამართლე ლილი მსხილაძე მინდა მოვიკითხო, რომელმაც სამი წლის წინ ბრძანა, სასჯელს არ გადავუვადებ რადგან პენიტენციურ სამსახურშიც შესაძლებელია მისი განნკურნებაო… ფაქტობრივად ფეხზე დგას უკვე დეკანოზი, თქვენი გამოწერილი მკურნალობის შედეგად, არა ქალბატონო ლილი?! საბედნიეროდ, საზოგადოების აბსოლუტური უმრავლესობისთვის ცხადია რომ ის დამნაშავე არ არის (გარდა საზოგადოების იმ ნაწილისა, რომლისთვისაც ახლოა ის ღირებულებები რასაც საპატრიარქო ატარებს ბოლო წლებია).სამართალი ურმით დადის, საქართველოში. სსკ-ის 18.109 მუხლიდან (პატიმრობა 16 დან 20 წლამდე) დიდი ბრძოლის შედეგად შეეცვალა დეკანოზს მსჯავრი და სსკ-ის 18.108 მუხლით მიესაჯა 9 წლიანი პატიმრობა. დადგება დრო, საზოგადოება მალე იმასაც გაიგებს, რომ 9 წელიც უკანონოდ აქვს მისჯილი და მას არანაირი სისხლის სამართლის დანაშაული არ ჩაუდენია… დადგება მათი სამართლებრივი პასუხისმგებლობის დროც, ვინც ასე გაწირა ეს უდანაშაულო ადამიანი. ხვალ შევდივარ მასთან N18 დაწესებულებაში და ვაფრთხილებ დაწესებულების ადმინისტრაციას: იმედია კვლავ ხელოვნურ ბარიერებს არ შექმნით დეკანოზთან შესვლისას, როგორც წინა შემთხვევების დროს მოხდა“ – წერს ფანცულაია.
კომენტარები