კორონავირუსთან ბრძოლის პრაქტიკა, რაც ჩვენ გამოვიყენეთ ჯანდაცვის მსოფლიო ორგანიზაციის ევროპის რეგიონულმა დირექტორმა, ჰანს კლუგემ ქართულ ნოუჰაუდ შეაფასა, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა.
მისივე თქმით, დიდი ბრიტანეთის მთავრობამ მიიღო გადაწყვეტილება, რომ კორონავირუსით ინფიცირებულ პაციენტებს საველე ჰოსპიტალების ნაცვლად სასტუმროებში განათავსებენ.
„ბატონი კლუგე როდესაც იმყოფებოდა საქართველოში, ქართულ ასე ვთქვათ, ნოუჰაუდ შეაფასა კორონავირუსთან ბრძოლის პრაქტიკა, რაც ჩვენ გამოვიყენეთ. ხუთვარსკვლავიან სასტუმროში სჯობს პაციენტი იყოს თუ საველე ჰოსპიტალში, ეს ეტყობა, ბრიტანეთის მთავარობამაც შეაფასა და მაგალითი გამოიყენა“, – განაცხადა პაატა იმნაძემ.
“ალია” შეგახსენებთ, რომ სასტუმროს ვარსკვლავებს არანაირი შემხებლობა არა აქვს ვირუსთან ბრძოლის დროს, მთავარია, თითოეულ ნომერს ჰქონდეს ცალკე ვენტილაცია და ადგილზე იყოს ექიმი და ექთანი.
კომენტარები