• რეკლამა
  • კონტაქტი
14:06, კვირა, 30 ნოემბერი, 2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“ხშირად სწორედ ის უყვართ, ვინც ძლიერია და არა ის, ვინც მართალია!”- ლაშა ბუღაძე

ალია ავტორი - ალია
13:52 03-17-2021
- ახალი ამბები, მთავარი
A A
0
Facebook-ზე გაზიარება
32

მწერალი, დრამატურგი, ლაშა ბუღაძე, “რადიო თავისუფლებასთან” ამბობს:

“თურმე სამყაროსავით ძველი ბანალობაა, რომ მორალი სულაც არ ყოფილა სათნოებათა შორის უმთავრესი.

როცა ძალა სადღაც სხვაგანაა და არა ზნეობრივ პასუხისმგებლობაში, მორალს ნამდვილად ვერ ეღირსება პირველი ადგილი ღირებულებათა სპორტულ შეჯიბრებაში.

რადგან მასობრივ-ცნობიერად, როგორც ჩანს, ღირებულება გამარჯვებულობა და წარმატებულობაა და არა ეს მოსაწყენი ზნეობრივი იმპერატივი.

გამარჯვებულს არ ასამართლებენ, ხოლო წაგებულსა და სუსტს – კი.

მეტიც, ნიცშესეული ძალაუფლების ნების ლოგიკის მიხედვით, წაგებული, ჩაგრული და სუსტი არა თანაგრძნობას, არამედ, არც მეტი, არც ნაკლები, სიძულვილსა და ზიზღს იწვევს, უბრალოდ, ზოგჯერ ამის აღიარება ერიდებათ ჩაგრულის მოძულეებს…

რადგან გამარჯვება უმთავრესი არგუმენტია…

განა, ისტორია და აწმყო ამას არ გვახსენებს, რომ ხშირად სწორედ ის უყვართ, ვინც ძლიერია და არა ის, ვინც მართალია?!

თანაგრძნობა მომქანცველი და უხმაუროა, გამარჯვებულის სხვივებქვეშ ყოფნა კი საკუთარი სისუსტის დავიწყების საუკეთესო საშუალებაა.

მით უმეტეს, როცა ერთი გამარჯვებით სხვა ფრონტზე გამარჯვებაც შესაძლებელია… როცა ვინც გვძულს, ყველას ერთიანად ვამარცხებთ, მაშინაც კი, როდესაც, ვთქვათ, ცალკეული სპორტსმენის გამარჯვება მხოლოდ ერთ კონკრეტულ სპორტულ სახეობაში გამარჯვებას ნიშნავს, მაგრამ მავანთა აღქმით, ის შესაძლოა სხვათა ჯინაზეც იგებდეს… მაგალითად, იმათი, ვინც ახლა და ამ დროს გვიშლიდეს ნერვებს: რომელიმე უფლებადამცველის, ან თავხედურად ხმა-ამაღლებული ქალის…

მაგრამ მთავარი აქ მაინც გამხელილი თუ გაუმხელელი შეგრძნებაა: ზოგადად სუსტის ვერატანა და გამარჯვებით დახარბებულობა.

შესაძლოა, უადგილოდ ჩანდეს ეს პარალელი, მაგრამ რაკი ზოგიერთთა მხრიდან სულ უფრო და უფრო ხშირად გამოიხატება თუნდაც არსებული პოლიტიკური ოპოზიციის მიმართ უკმაყოფილება, მიზეზი შესაძლოა აქაც უფრო ემოციური იყოს, ვიდრე ობიექტური, რადგან სპორტსმენის მსგავსად, პოლიტიკოსიც ხომ მაშინ აღგაგზნებს,როცა ის სხვადასხვა სიმსხვილის ტრიუმფთან ასოცირდება, დიდხანს ვერგამარჯვებული პოლიტიკოსი კი ყველა ნიშნით სუსტად გეჩვენება და მტერზე არანაკლებად გაღიზიანებს…

ანუ ვერგამარჯვებულთან ერთად ყოფნა გღლის და მასზე ბრაზობ, რადგან, აბა, საკუთარ თავს ხომ არ გაიმეტებ გასაბრაზებლად?! ჩვენ რა შუაში ვართ.

სპორტსა და პოლიტიკაში ხომ მსგავსი ვნებებია – კონკურენტი უნდა შთანთქა, თორემ ბრბო არ გაპატიებს სისუსტეს.

რომის იმპერატორი ტყუილად კი არ სწევდა დაბლა ცერა თითს, რათა ორთაბრძოლაში გამარჯვებულს ძირს განრთხმულისთვის ჩაეცა სასიკვდილო ლახვარი…

ცერის თავდაყირა გადმომბრუნებელმა კარგად იცოდა, რომ მოწყენილ მასებს გამარჯვების ჯილდო სჭირდებოდათ და არა თანაგრძნობა.

მორალი უნდა დადუმებულიყო, როცა მოედანზე გამარჯვებული იდგა.”

თეგები: ლაშა ბუღაძე

კომენტარები

რედაქტორის რჩევით

,,ჰაბიბი გოგოს” ძვირადღირებული ცხოვრება და საეჭვო ფაქტები, რომლითაც ,,ზემოთ” უნდა დაინტერესდნენ?!
ახალი ამბები

,,ჰაბიბი გოგოს” ძვირადღირებული ცხოვრება და საეჭვო ფაქტები, რომლითაც ,,ზემოთ” უნდა დაინტერესდნენ?!

21:15 11-25-2025
როგორ და რა მეთოდებით ცდილობს მარიამ ქვრივიშვილი ირაკლი კობახიძის თანამდებობის დაუფლებას და უნდა თუ არა მისი კანდიდატურა, რეალურად, ბიძინა ივანიშვილს?
ახალი ამბები

როგორ და რა მეთოდებით ცდილობს მარიამ ქვრივიშვილი ირაკლი კობახიძის თანამდებობის დაუფლებას და უნდა თუ არა მისი კანდიდატურა, რეალურად, ბიძინა ივანიშვილს?

22:56 11-10-2025
ახალი ამბები

ამ სქემით, გამოდის, რომ ილია ჯალაღონიამ საკუთარ სს საქმეს ბეჭედი უნდა დაუსვას და ციხეში საკუთარი ფეხით წავიდეს – რას წერდა „ალია“ 10 წლის წინ?

15:37 10-30-2025
მეტროში “მოულოდნელი გარდაცვალების” სკანდალური დეტალები
ახალი ამბები

მეტროში “მოულოდნელი გარდაცვალების” სკანდალური დეტალები

21:28 10-16-2025

ბიზნესი

“აისრულე სურვილები სრულად“ – ლიბერთის ზამთრის ახალი შეთავაზება
ახალი ამბები

“აისრულე სურვილები სრულად“ – ლიბერთის ზამთრის ახალი შეთავაზება

19:00 11-28-2025
თიბისი კაპიტალმა და ამერიკის სავაჭრო პალატამ წლის შემაჯამებელი ღონისძიება გამართეს
ახალი ამბები

თიბისი კაპიტალმა და ამერიკის სავაჭრო პალატამ წლის შემაჯამებელი ღონისძიება გამართეს

14:31 11-28-2025
რა განაპირობებს სავალუტო ბაზარზე არსებულ სიჭარბეს? – თიბისი
ახალი ამბები

რა განაპირობებს სავალუტო ბაზარზე არსებულ სიჭარბეს? – თიბისი

13:58 11-28-2025
ნანატრი დღეები გორგიაში გრძელდება
ახალი ამბები

ნანატრი დღეები გორგიაში გრძელდება

08:00 11-28-2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2025 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2025 Alia.ge - All rights reserved