ხორვატია 24 რუს დიპლომატს ქვეყანას ატოვებინებს. აქედან 18 რუსეთის საელჩოს თანამშრმელია. ამის შესახებ ინფორმაცია ქვეყნის საგარეო საქმეთა მინისტრმა, გორდან რადმანმა გაავრცელა.
“რუსეთის ელჩი საგარეო საქმეთა სამინისტროში დავიბარეთ იმ სასტიკი აგრესიისა და დანაშაულების გამო, რასაც რუსეთი უკრაინის წინააღმდეგ სჩადის. მას ვუთხარით, რომ ზაგრებში, რუსეთის საელჩოში ადმინისტრაციულ-ტექნიკური თანამშრომლები უნდა შეამცირონ”. – ამბობს რადმანი.
შეგახსენებთ, რომ რუსეთ-უკრაინის ომის გამო, ამ დრომდე რუსი დიპლომატები საკუთარი ქვეყნებიდან იაპონიამ, მონტენეგრომ, ავსტრიამ, საბერძნეთმა, ესპანეთმა, იტალიამ, დანიამ, გერმანიამ, ნიდერლანდებმა, ბელგიამ, ირლანდიამ, შვედეთმა და საფრანგეთმაც გააძევეს.
კომენტარები