ხმაურიანად ჩაიარა დრევანდელმა პარლამენტის სხდომამ, პარლამენტში-სესიაზე დეპუტატები ერთმანეთს საკონსტიტუციო სასამართლოს შესახებ კანონპროექტის განხილვის დროს დაუპირისპირდნენ.
ოპოზიციონერმა დეპუტატებმა მსჯელობის დაწყებამდე კანონპროექტის ავტორის, ანრი ოხანაშვილის, ტრიბუნასთან ასვლა გააპროტესტეს და მას უკრაინასთან დაკავშირებით გაკეთებული განცხადების გამო ბოდიშის მოხდა მოითხოვეს. ოპოზიციის მოთხოვნას დარბაზში ჩხუბი მოჰყვა, რომელიც რამდენიმე წუთის განმავლობაში გაგრძელდა.
“არსებობს ,,მორალური” შავი ხვრელი, რაც, მაგალითად, აწარმოა ბატონმა ანრი ოხანაშვილმა, როცა თქვა, რომ (ენმ) ასწავლის უკრაინას, როგორ შემოდონ გვამები, რითაც პრაქტიკულად გაახმოვანა პუტინის პროპაგანდისტების განცხადება. – განაცხადა თაკო ჩარკვიანმა
საპასუხოდ ანრი ოხანაშვილმა განაცხადა, რომ ვინმეს მორალზე საუბარი უხერხულია. უმრავლესობის წევრმა ოპოზიცია პოპულიზმში დაადანაშაულა.
“სიტყვები შეარჩიეთ და იცოდეთ, როგორ უნდა ისაუბროთ პოლიტიკაში. ხმას დაუწიეთ და დაწყნარდით. კამერები ცოტა აქეთ არის და ვერ გამოჩნდებით, ამიტომ დაწყნარდით. – თქვა ოხანაშვილმა.
ინციდენტის შემდეგ ოპოზიციის რამდენიმე დეპუტატმა საკონსტიტუციო კანონპროექტის განხილვა პროტესტის ნიშნად დემონსტრაციულად დატოვა.
6 აპრილს ანრი ოხანაშვილმა უკრაინის ხელისუფლება “ნაციონალურ მოძრაობასთან” კავშირში დაადანაშაულა და დაამატა, რომ ადეიშვილი, ლორთქიფანიძე და სხვები კარგად თუ დაეხმარებიან უკრაინას, “ალბათ ასწავლიან, როგორ ხდება გვამების შემოდება”.
კომენტარები