ხმაური მთავრობის ადმინისტრაციასთან – საპოლიციო ძალები დიუშენის დისტროფიით დაავადებული ბავშვების მშობლებს კანცელარიასთან ე.წ. პუფების და საწვიმრების მიტანის საშუალებას არ აძლევს.
ხმაური მას შემდეგ დაიწყო, რაც პოლიციამ აქციის მონაწილეებს გზა ჩაუხერგა, რომ დედებს მთავრობის ადმინისტრაციის შენობის წინ “პუფების” დადება ვერ შეძლონ.
ადგილზე იმყოფებათბილისის საპატრულო პოლიციის მთავარი სამმართველოს უფროსი, გოგა მემანიშვილი, რომლისგანაც აქციის მონაწილეები განმარტებას ითხოვენ, თუ რა საფრთხეს წარმოადგენს სკვერის სიდა ტერიტორიაზე ე.წ. პუფის შეტანა.
აქციის მონაწილეთა თქმით, პოლიციელებისთვის წინასწარ ცნობილი იყო, რომ მშობლები კანცელარიის შენობასთან ღამის გათენებას აპირებდნენ.
აქციის მონაწილეების განმარტებით, იმის გამო, რომ პოლიციამ მათ კარვების გაშლის უფლება არ მისცა, გადაწყვიტეს “პუფები” მოეტანათ, რომ ღამე ასე გაათენონ.
“რატომ არის პუფის შიდა ტერიტორიაზე შეტანა კანონდარღვევა?” – ეუბნებიან შს მაღალჩინოსანს დიუშენის დისტროფიით დაავადებული ბავშვების მშობლები.
ამასთან მშობლები ადგილზე ირაკლი კობახიძის მისვლას ითხოვენ:
სამარცხვინოა ამათი ქმედება, სამი პუფის შემოტანა გვინდა, რომ მშობლები ჩამოსხდნენ მაინც იმიტომ, რომ ჩვენ დილამდე აქ უნდა ვიყოთ და ისეთი დაცვა გამოდგა პუფების, ჩვენი მთავრობა ნეტა ბავშვების უფლებებს და სიცოცხლეს იცავდნენ ესე, როგორც სამ პუფს იცავენ ახლა. სამარცხვინოა. გამოგვეხმაუროს კობახიძე სად არის შემალული, მშიშარა ადამიანი” – ამბობს აქციის მონაწილე.(tvpirveli)
კომენტარები