ბათუმის საკრებულოში ხმაური გრძელდება – ოპოზიციის წევრები მერის კაბინეტიდან პოლიციამ ძალის გამოყენებით გაიყვანა.
იქ შეიარაღებული ჩინოვნიკები ზიან, მერს ველაპარაკებოდი და პოლიცია მომიყვანა”– აცხადებს დეპუტატი რეზო ხარაზი.
ბათუმის საკრებულოს ოპოზიციამ მერის კაბინეტი დილიდან დაიკავა. საკრებულოს დეპუტატები ქალაქის მერს განმარტებებს უკანონო მშენებლობებსა და ბიზნესის ტერორზე სთხოვენ.
ბათუმში ბიზნესმენ მერაბ ფარტენაძეს თავს 2 დღის წინ დაესხნენ. შემთხვევა აეროპორტის დასახლებაში, ერთ-ერთ მშენებარე ობიექტზე, მოხდა.
არსებობს ვიდეო-მტკიცებულებები, სადაც ზედამხედველობის უფროსის მოადგილე, ბესიკ ცეცხლაძე სამშენებლო ობიექტზე იარაღით მიდის და ემუქრება იქ მომუშავე ადამიანებს. კადრებში ისმის ხმა – “დაგიხვრეტ მუხლებს”.
დაპირისპირება ცეცხლაძესთან 2 წლის წინ დაიწყო, როცა ამ უკანასკნელმა მას კუთვნილი ფართის საბაზრო ღირებულების ნახევარ ფასად გადმოცემა მოსთხოვა, პასუხად კი უარი მიიღო. ამის შემდგომ კი დაიწყო ფარტენაძის კუთვნილი სავაჭრო ობიექტების დაჯარიმება, თუმცა, ფარტენაძემ სასამართლოს მიმართა, რომელმაც აღნიშნული ჯარიმები ანულირებულად ცნო.
კომენტარები