„ხელში ჩაგვივარდა “ნაციონალური მოძრაობის” წინასაარჩევნო პიარსტრატეგიული დაგეგმარების დოკუმენტი,“- წერს დეპუტატი რატი იონათამიშვილი სოცილურ ქსელში.
იონათამიშვილის მიერ გავრცელებულ ინფორმაციაში ნათქვამია, რომ დოკუმენტის მიხედვით, ოპოზიციურმა ტელეარხებმა რამდენიმე „ფეიკ ნიუსი“ უნდა გაავრცელონ. მათ შორის იმის თაობაზე, რომ „ქართული ოცნების“ პიარ გეგმა ებრაელმა კონსულტანტმა მოშე კლუგჰაფტმა დაუწერა.
„დოკუმენტში წერია, რომ “მთავარმა,” “ტვ პირველმა” და “ფორმულამ” უნდა გაავრცელონ რაც შეიძლება მეტი “ფეიკი” (მითითებულია კონკრეტული მიმართულებები და “ქეისები”, რომლებსაც მოგვიანებით გაგაცნობთ,) მათ შორის, არჩევნებამდე სამი-ოთხი დღით ადრე უნდა გაავრცელონ ინფორმაცია, რომ თითქოს ,,ქართულ ოცნებას” გეგმა დაუწერა ებრაელმა კონსულტანტმა მოშე კლუგჰაფტმა.
დოკუმენტში მითითებულია, რომ ამ გამოგონილ გეგმაში ,,რასაც გინდა იმას ჩაწერ.” გეგმა, მეტი დამაჯერებლობისთვის, უნდა მოერგოს ოცნების ლიდერების წინა ინტერვიუებს, რითაც დარჩება განცდა, რომ ის ნამდვილია.
„ნაციონალური მოძრაობის“ სტრატეგიული დაგეგმარების დოკუმენტში ასევე წერია, რომ ე.წ. ,,მოშეს გეგმა” პირდაპირ ეთერში უნდა განიხილოს მინიმუმ სამმა-ოთხმა ისეთმა ჟურნალისტმა, რომლებსაც “შეუძლიათ მთელი სერიოზულობით და ემოციებით განიხილონ ეს გეგმა. შეუძლიათ გაბრაზდნენ, იცინონ და ა.შ თავისივე გამოგონილ დოკუმენტზე,”- წერს რატი იონათამიშვილი.
მისი ინფორმაციით, გეგმის გასაჯაროების მთავარი მიზანი, გიორგი გახარიას რეიტინგის გაზრდაა.
„დოკუმენტში ასევე მითითებულია, რომ ე. წ. “მოშეს გეგმის” გასაჯაროების ერთ-ერთი მთავარი მიზანია წაეხმარონ მათ მოკავშირე გიორგი გახარიას, რადგან სხვანაირად “ქართული ოცნების” ხმების დაკლების და დაზიანების თეორიული შანსებიც კი ნულის ტოლია.
უტყუარი მტკიცებულება: როგორც გუშინ „მთავარი არხის“ ეთერში ვიხილეთ, ჟურნალისტები ერთი-ერთში საუბრობდნენ “ ნაციონალური მოძრაობის“ პიარსტრატეგიული დაგეგმარების დოკუმენტში აღწერილი გეგმის მიხედვით.
P. S. ცრუ ნიუსების იმედად დარჩენილ ბაბლს – ფეიკნიუსების ნომინაციაში ერდროულად 10 ოსკარი ჩვენგან, მაგრამ ხო მშვიდობა გაქვთ?“- წერს რატი იონათამიშვილი.
კომენტარები