ტვ პირველის ინფორმაციით, გორის სამხედრო ჰოსპიტალის მთავარმა ექიმმა მიხეილ სააკაშვილს უმკაცრესი შეზღუდვები დაუწესა. პრეზიდენტის სანახვად შაბათ-კვირას ჰოსპიტალში ვერც ექიმები და ვერც მნახველები ვეღარ შევლენ, დღის განმავლობაში სააკაშვილის პალატის კარი მხოლოდ ორი საათით, ოთხიდან 6 საათამდე, გაიხსნება. მომხდარს “ნაციონალური მოძრაობის” წევრი ლევან ხაბეიშვილი მესამე პრეზიდენტის ლიკვიდაციამდე მიყვანის მცდელობად აფასებს.
არათუ პრეზიდენტ სააკაშვილია წამების და არაადამიანური მოპყრობის მსხვერპლი, არამედ მისი მკურნალი ექიმიც. ექიმიც ამ დღეში ჰყავთ, ჩვენ ვნახეთ ფაქტობრივად მძევლად აყვანილი ექიმი, რომელიც გვერდზე დაიყენეს და მის მაგივრად განცხადებები აკეთეს. ახლა ვნახეთ, რომ ეს ექიმი საერთოდ შეუცვალეს, დაუწესეს სააკაშვილს შეზღუდვები. ეს არის ის, რასაც ხელისუფლება აკეთებს იმიტომ, რომ ფიზიკურ ლიკვიდაციამდე მიიყვანოს როგორმე მესამე პრეზიდენტი ან აიძლონ დააწყებინონ ისევ შიმშილობა, – განაცხადა ლევან ხაბეიშვილმა.
კომენტარები