რუსეთის იერიში უკრაინაზე – ხარკოვის ოლქის ქალაქ ბოჰოდუხოვში, რომელზეც გასულ ღამით რუსული უპილოტო საფრენი აპარატებით შეტევა განხორციელდა, ოთხი ადამიანი დაიღუპა, რომელთა შორის 3 ბავშვია.
მსხვერპლის შესახებ მაშველები და საოლქო-სამხედრო ადმინისტრაცია იუწყებიან.
მაშველებმა ნანგრევებიდან ამოიტანეს სამი ბავშვის და ერთი მამაკაცის ცხედრები. დაღუპული არიან ერთი წლის ბიჭები, ორი წლის გოგო და 34 წლის კაცი. დაშავებულია ორი ადამიანი, მათ შორის 35 წლის ქალი, რომელიც ორსულადაა. ხარკოვის საოლქო-სამხედრო ადმინისტრაციის ინფორმაციით, კიდევ ერთი დაშავებული 74 წლის ქალია.
უკრაინის საგანგებო სიტუაციების სამსახურის ტელეგრამ-არხზე 11 თებერვალს, გამთენიისას გამოქვეყნებული ცნობით, გასულ ღამით რუსეთის ჯარებმა დრონებით დაარტყეს ბოჰოდუხოვის იმ ნაწილს, სადაც კერძო სახლებია. სრულად დაინგრა ერთი სახლი.
კომენტარები