უკრაინის ქალაქ ხარკოვის მერი გენადი კერნესი კორონავირუსით გარდაიცვალა. ინფორმაცია ამის შესახებ მისმა მეგობარმა, ბიზნესმენმა პაველ ფუქსმა გაავრცელა.
მისი თქმით, 61 წლის კერნესის ჯანმრთელობა კორონავირუსით დაინფიცირების შემდეგ გაუარესდა, რამაც „სერიოზულად დააზიანა საციცოცხლოდ მნიშვნელოვანი ორგანოების მუშაობა“.
გენადი კერნესს კორონავირუსი სექტემბერში დაუდასტურდა. დაავადება სერიოზული გართულებების ფონზე მიმდინარეობდა, რის გამოც პოლიტიკოსი ბერლინში, „შარიტეს“ კლინიკაში გადაიყვანეს.
გენადი კერნესი ხარკოვის მერის პოსტს 2010 წლიდან იკავებდა.
კომენტარები