ინფექციონისტი მაია ბუწაშვილი:
„მარიხუანას მოხმარება 6-ჯერ ზრდის მიოკარდიუმის ინფარქტის და 4-ჯერ – იშემიური ინსულტის რისკს!
მარიხუანას მოხმარება მთელ მსოფლიოში იზრდება და მოსახლეობაში უფრო და უფრო მეტად მკვიდრდება აზრი მისი უვნებლობის შესახებ. თუმცა არაერთი კვლევა ადასტურებს მის მავნე გავლენას ადამიანის ჯანმრთელობაზე.
წელს გამოქვეყნდა აშშ-ში ჩატარებული ფართომასშტაბიანი, მულტიცენტრული კვლევის შედეგები კანაბისის მიერ გულ-სისხლძარღვთა სისტემის დაავადებების რისკის მკვეთრად გაზრდის შესახებ. კვლევა ჩატარდა 50 წლამდე ადამიანებში, რომელთაც გულ-სისხლძარღვთა დაავადებების სხვა რისკები არ ქონდათ (ანუ არ იყვნენ თამბაქოს მომხმარებლები, ქოლესტერინი და წნევა ქონდათ ნორმალური და ა.შ).
ეს იყო რეტროსპექტული კოჰორტული კვლევა, რომელიც ერთმანეთს ადარებდა კანაბისის მომხმარებლებსა და არამომხმარებლებს შორის (92 ათასი მომხმარებელი და 4 მილიონი არამომხმარებელი ადამიანი) გულ-სისხლძარღვთა დაავადებების სიხშირეს.
კვლევამ გამოავლინა, რომ კანაბისის მომხმარებლებში ინფარქტის რისკი 6-ჯერ მაღალია არამომხმარებლებთან შედარებით და მათში ინფარქტის შემთხვევაში გარდაცვალების რისკი 5-ჯერ მაღალია.
რაც შეეხება ინსულტს, მომხმარებლებს 4.3-ჯერ მაღალი აქვთ რისკი და გადარჩენის შანსი 5-ჯერ ნაკლები არამომხმარებლებთან შედარებით….
ძალიან საინტერესო ტენდენციაა კომენტარებში პოსტებზე, რომლებსაც მავნე ჩვევების შესახებ ვწერ. ადამიანებს აშკარად უნდათ, რომ ალკოჰოლი მიიიღონ, მარიხუანა მოწიონ და თან იძახონ, რომ სასარგებლოა და ამიტომ იღებენ:)). რაღაც მათი პოზიციის განმამტკიცებელი ერთი-ორი ფსევდომეცნიერული არგუმენტიც მოშველიებული აქვთ და ხმალივით იქნევენ:)). ნეტა თამბაქოს სარგებლიანობაზეც მოეძებნებათ რამე ასეთი ინფორმაცია?:)
ხალხო, ვისაც დალევა გინდათ, დალიეთ; ვისაც მარიხუანას მოწევა გინდათ, მოწიეთ და რა ვიცი, რაც გინდათ ის აკეთეთ. თქვენ რითი გაირთობთ თავს და ისიამოვნებთ, არც ჩემი და არავისი საქმე არაა. ოღონდაც ასე ჰაერზე, ყოველგვარი მტკიცებულებების გარეშე აქეთ ნუ გვიმტკიცებთ, რომ სასარგებლოა და ამას იმიტომ აკეთებთ, თან აგრესიული ტონით. თუ ოჯახის წევრებს ატყუებდით, რომ კარგ რამეს უკეთებთ საკუთარ თავს და იმიტომ ბრაზდებით ასე?:)
რა ინფანტილიზმია.“
კომენტარები