გიგა ბოკერია სოციალურ ქსელში წერს:
,,შემიძლია ვთქვა, რომ, როგორც ჩანს, ხაბეიშვილს, კობახიძეს, მელიას და ვაშაძეს ბევრი წინააღმდეგობის მიუხედავად, ნამდვილად აერთიანებთ რამდენიმე რამ.
პირველი, მათ ევროპული საქართველოს მიუღებლობა ჰქონიათ, პერსონალურად ჩემი და ქალბატონი თამარ ჩერგოლეიშვილის და მეორე, რაც, ჩემი აზრით, ბევრად მნიშვნელოვანია, ეს ადამიანები, თუ იმ მომენტში მათთვის პოლიტიკურად მიუღებელი ხარ, მზად არიან, ცილი დაგწამონ და ტალახი გესროლონ. ანუ ტესტი არის ასეთი – იმ მომენტში შენ მის გუნდში ხარ, მისი სპონსორი ხარ თუ არა. ჩემთვის ეს პოლიტიკური სტანდარტი საგანგაშოა.
გუშინ ბატონმა ხაბეიშვილმა პირდაპირ თქვა კეზერაშვილს ცილს იმიტომ ვწამებდი, რომ მაშინ ჩემთვის მიუღებელ ხალხთან იყო ასოცირებულიო. ხშირად ჟურნალისტებსაც არ უჩნდებათ შეკითხვა, საერთოდ რას ნიშნავს ეს, როგორ შეიძლება ეს იყოს სტანდარტი, რომ თუ ადამიანი ჩემთვის მისაღებია, ცილს არ დავწამებ, შევაქებ, ხოლო თუ ჩემთვის მიუღებელია, მაშინ მოვიგონებ რამეს და ტალახს ვესვრი. ეგ არის, ჩემი აზრით, ყველაზე უფრო საგანგაშო ამბავი ჩვენი პოლიტიკური ცხოვრებისთვის და ეს არ ეხება მხოლოდ ხაბეიშვილს, ვიმეორებ, მელიაც ზუსტად ასე იქცევა.
ზოგადად, პოლიტიკურ უთანხმოებებზე საუბრისას, კარგია ხოლმე დაისვას შეკითხვა, ეს უთანხმოება რის შესახებაა და მიუღებლობა რას ნიშნავს. საფეხბურთო გემოვნება ხომ არ არის, რომ ვერ შევთანხმდეთ მე და ხაბეიშვილი, რაღაც არსებით უნდა იყოს, რაღაც პოლიტიკური ხედვა იმის შესახებ, რომ რაღაც ასე უნდა გაკეთდეს და არა ისე.
ანუ ხაბეიშვილი პირდაპირ და უტიფრად ამბობს, მიუღებელი იყო ეს ადამიანი ჩემთვის, ამიტომ ასე მოვიქეცი, ცილი დავწამე და მოვიგონე, რომ კეზერაშვილიც და მასთან ერთად, ეს ადამიანებიც, მთავრობასთან იყვნენ შეკრულებიო. სანამ ეს ყველაფერი მოსულა, იქამდე ივანიშვილს აქვს უპირატესობა ამ დაპირისპირებაში, რადგან უზნეობაში ივანიშვილს ვერავინ აჯობებს.”
,, ეს იყო ჩემი პირადი შეუთავსებლობა გიგასთან და ჩერგოლეიშვილთან” – ლევან ხაბეიშვილი
კომენტარები