“შაბათის ეთერის” გამომძიებელმა ჟურნალისტმა, მარიამ გაფრინდაშვილმა სუს-იდან გამოჟონილი ინფორმაციიდან უმძიმესი ფაილები შეისწავლა.
საიდუმლო დოკუმენტებში აღმოჩნდა ფარული ჩანაწერები, რითაც დგინდება, რომ კელიებში ბავშვებს იტყუებდნენ და მათთან სექსუალურ კავშირს ამყარებდნენ.
“ტვ პირველის” გამომძიებელმა ჟურნალსიტმა სუს-ის აგენტები გაშიფრა და დაადგინა, რომ – ყველა მათგანი მოსმენების ფაილების გაჟონვის შემდეგ გაიხიზნა.
გაშიფრულია სქემა – “შაბათის ეთერის” ხელშია იმ აგენტების სია, რომლებიც მღვდლებსა და მონაზვნებს იწერდა და უთვალთვალებდა. ადამიანები, რომლებიც მაღალ იერარქებზე კომპრომატებს აგროვებდნენ.
36 წლის თემურ არეშიძე მღვდლების, მონაზვნების, ეპისკოპოსებისა და პატრიარქის მოსმენების სამსახურის ერთ-ერთი ხელმძღანელია, სწორედ მისი მონაწილეობით შეიქმნა 58 ათასი ფაილი, რომლის დიდი ნაწილიც სასულიერო პირების პირად ცხოვრებას ასახავს. ირკვევა რომ არეშიძის სამსახური მღვდლებსა და მონაზვნებს არა მხოლოდ უსმენს, არამედ უთვალთვალებს და გასცემს ბრძანებას, რომელი მღვდლის პირადი ცხოვრების ამსახველი კადრები უნდა გადაიღონ.
სუს-ის გაშიფრული აგენტი, არეშიძე ფაილების გასაჯაროვების შემდეგ მეზობლებს აღარ უნახავთ, ერთ-ერთი ვერსიით, მან საცხოვრებელი სახლი ოჯახთან ერთად დატოვა და გაიხიზნა.
დადგენილია, სპეცსამსახურის კიდევ ერთი თანამშრომლის ვინაობა, ვისი ბრძანებითაც უსმენდნენ მაღალი რანგის სასულიერო პირებს. გია ჩიხლაძის მიერ შედგენილი სია ეპისკოპოსებით იწყება, შემდეგ მოდის საქართველოს კათალიკოს პატრიარქის თანაშემწე, მამა დავით ჭინჭარუალი, პატრიარქს ტელეფონი არ აქვს, სწორედ ამიტომ ის მამა დავითის ტელეფონი ისმინებოდა.
კიდევ ერთი ადამიანი, ვინც მთელი ამ უკანონობის სათავეშია, სუს-ის მაღალჩინოსანი, ნიკოლოზ კალაძეა. მიმოწერით დგინდება, რომ ფარული თვალთვალის ბრძანების ერთ-ერთ გამცემი სწორედ კალაძე იყო.
სუს-ის აგენტების ძირითად ინტერესს, სასულიერო პირების სექსუალური და პირადი ცხოვრება წარმოდგენდა. განსაკუთრებულ კონტროლზე სპეცდანაყოფს განსხვავებული სექსუალური ორიენტაციის სასულიერო პირები და მათი მეგობრები ჰყვდათ აყვანილი, დასდევენ კარდაკარ და ფარულად იღებენ მათ ურთიერთობას.
“შაბათის ეთერისთვის” ცნობილია, სუს-ის ყველა იმ საიდუმლო აგენტის ვინაობა, ვინც სასულიერო პირებზე კომპრომატების მთელი არქივი შექმნა. ერთ-ერთი ნიკოლოზ მჭედლიშვილია. საიდუმლო ფაილებში მისი ასობით წერილი დევს, სადაც მღვდლების მოსმენაზე ჩართვას ითხოვს.
მღვდლებზე თვალთვალის საიდუმლო სამსახურის კიდევ ერთი თანამშრომლი წლების განმავლოაბში იყო 36 წლის შორენა შელია. “ტვ პირველის” ინფორმაციით სპეცსამსახურების აგენტმა შორენა შელიამ სუს-ი ერთი წლის წინ დატოვა და ირაკლი ღარიბაშვილის გამინისტრების შემდეგ, სამუშაოდ თავდაცის სამინისტროში გადაიყვანეს.
კამერებთან არ ჩნდება კიდევ ერთი აგენტი ქალი -ხათუნა ჭინჭარაული, ის ასობით სასულიერო პირს უსმენდა და მათ წინააღმდეგ კომპრომატებს აგროვებდა.
წყარო: ტვ პირველი
კომენტარები