“კარგია, რომ არ შევიდნენ პარლამენტში! მათი ადგილი იქ აღარ არის!”

დამოუკიდებელი სამედიცინო ექსპერტი, მაია ნიკოლეიშვილი, სოციალურ ქსელში, წერს:

“დასრულდა არჩევნები!

დიახ, მიხარია! მეორე მხარეს დარჩენილმა ადამიანებმა ღრმა ინფანტილიზმი აჩვენეს: სოციოპათების და ფსიქოპათების ტოქსიურ ორბიტაზე გადასვლა პოლიტიკოსობას გამორიცხავს.

ამ რეალობის გათვალისწინებით, რაც უფრო თავისუფალი იქნება პარლამენტი სექტანტური აზროვნების მქონე, დესტრუქციული, აგრესიული, ინფანტილური პერსონებისგან, ქვეყნისთვის უკეთესია. მათი წინასაარჩევნო და არჩევნებში დამარცხების შემდგომი რიტორიკა აგრესიული 90-იანების უშნო კალკია-იგივე სახეები, იგივე კლიშეები!

დრო შეიცვალა და მორალურად მოძველდა ეს სტილი. კარგია, რომ არ შევიდნენ პარლამენტში! გამოჩნდა, რომ მათი ადგილი იქ ნამდვილად აღარ არის!

კარგია, ბოლოს და ბოლოს, “ქართული პოლიტიკის მონოპოლისტმა პოლიტიკანებმა” გზა გაუთავისუფლეს ჯანსაღ ძალებს ქართულ პოლიტიკაში შემოსასვლელად!

ამით 90-იან-2000-იანების სტილის პოლიტიკოსების ეპოქა მთავრდება და იწყება ახალი!”