“კარგად, რომ მიგვიშვან ერთმანეთზე ალბათ ყელს გამოვღადრავთ შუღლისგან დაბრმავებულნი” – სოსო გოგაშვილი

ბათუმში მომხდარ უბედურ შემთხვევას სოციალურ ქსელში ეხმიანება “სახალხო პარტიის” წევრი სოსო გოგაშვილი.
“ჩვენი ქათქათა, თბილი და ლამაზი ბათუმი ძაძებშია დღეს.დღეს ჩვენს ურთიერთობებს შორის უფსკრულია. სანამ ეს ასეა არაფერი არ გვეშველება. ირგვლივ ზიზღია, სიძულვილი, ბოღმა, ღალატი. დღეს საქართველო მტრის გასახარად უკიდურესად დაპირისპირებული, გაბოროტებული, გახლეჩილი და დასუსტებულია. კარგად, რომ მიგვიშვან ერთმანეთზე ალბათ ყელს გამოვღადრავთ შუღლისგან დაბრმავებულნი. რა უნდა მოხდეს კიდევ? რა უბედურება, რომ ჭკუა ვისწავლოთ და გავერთიანდეთ? უფალო შეგვინდე ცოდვები და გაგვაერთიანე ყველა”. – წერს სოსო გოგაშვილი.
ცნობისათვის, გუშინ ბათუმში საცხოვრებელი კორპუსის ნგრევას 6 ადამიანი ემსახვერპლა, მათ შორის ორი მცირეწლოვანი ბავშვია. ამ დროისთვის ნანგრევებში მაშველები კიდევ სამ ადამიანს ეძებენ. ერთი ადამიანი, რომელიც ცოცხალი ამოიყვანეს საავადმყოფოში მართვიკთ სუნთქვაზეა, მისი მდგოარეობა მძიმეა.

შინაგან საქმეთა სამინისტრომ ბათუმში საცხოვრებელი კორპუსის ნგრევის ფაქტზე მიმდინარე გამოძიების ფარგლებში სამი პირი  დააკავა.