შეერთებული შტატების ვიცე-პრეზიდენტმა კამალა ჰარისმა განაცხადა, რომ უკრაინაში ომის დასრულების საკითხზე ვლადიმერ პუტინთან პირისპირ შეხვედრას უკრაინის გარეშე არ დათანხმდება. ტელეკომპანია „სიბიესის“ ეთერში ჰარისმა განაცხადა, რომ უკრაინას საკუთარი ქვეყნის მომავლის განსაზღვრისას ხმის უფლება უნდა ჰქონდეს. მისი თქმით, ომის დასრულებაზე მოლაპარაკებები წარმატებული ვერ იქნება, თუ მასში ოფიციალური კიევი მონაწილეობას არ მიიღებს. უკრაინის ნატოში გაწევრიანებისთვის მხარდაჭერის შესახებ ჟურნალისტის მიერ დასმულ კითხვას ამერიკის ვიცე-პრეზიდენტმა თავი აარიდა. კამალა ჰარისმა მხოლოდ აღნიშნა, რომ ამ საკითხზე მაშინ იმუშავებს, თუკი საქმე იქამდე მივა.
კომენტარები