მედია GB News-ის ცნობით, დიდი ბრიტანეთის ყოფილი პრემიერმინისტრი, ბორის ჯონსონი თვლის, რომ, იმ შემთხვევაში თუკი აშშ-ს ახალი პრეზიდენტი დონალდ ტრამპი კიევისთვის სამხედრო დახმარებას შეამცირებს, ბრიტანეთს უკრაინაში ჯარების გაგზავნა მოუწევს.
“მაშინ ჩვენ მოგვიწევს გადასახადის გადახდა, რათა გავგზავნოთ ბრიტანეთის ჯარები უკრაინის დასაცავად”. – ამბობს ჯონსონი.
ყოფილი პრემიერი GB News-ს ინტერვიუში ამბობს, რომ უკრაინის მხარდაჭერაზე უარის თქმა მომავალში დიდ ფინანსურ ხარჯებს მოუტანს ბრიტანეთს.
“რატომ ვუჭერთ მხარს უკრაინელებს? იმიტომ, რომ წინააღმდეგ შემთხვევაში, რუსეთის აღორძინებით დაქვეითდება ჩვენი კოლექტიური უსაფრთხოება, ეს ევროპის ყველა ნაწილისთვის საფრთხეს წარმოადგენს” – აღნიშნა ჯონსონმა.
“ტრამპს ბევრი განსხვავებული მოსაზრება ჩაესმის ყურში” – ამბობს ჯონსონი.
ჯონსონმა დადებითად შეაფასა ტრამპის პრეზიდენტობის პირველი ვადა და მისი მხარდაჭერა უკრაინის მიმართ. მისი თქმით, Javelin-ის ტანკსაწინააღმდეგო სარაკეტო სისტემების მიწოდებით ტრამპმა უკრაინის ბედი უკეთესობისკენ შეცვალა.
“ამ მხარდაჭერის გარეშე კიევისთვის ბრძოლა შეიძლებოდა ყოფილიყო ძალიან, ძალიან განსხვავებული”.- ამბობს ბრიტანეთის ყოფილი პრემიერმინისტრი.
კომენტარები