მას შემდეგ, რაც გაირკვა, რომ ვაქცინას ჯერჯერობით ისევ ვერ მივიღებთ, საუბარი დაიწყო ჯოგურ იმუნიტეტზე – კერძოდ, საუბრობენ იმაზე, რომ არსებობს გათვლა, რომლის მიხედვითაც კორონავირუსგადატანილ თითო ადამიანზე სამი დამატებითი შემთხვევა ანგარიშდება – “ალია” ამ სქემაზე დიდი ხანია გიყვებათ და რამდენიმე ექიმის თქმით, თუ ამ პრინციპით ვიხელმძღვანელებთ, მაშინ კორონავირუსით გარდაცვლილთა ოფიციალური რიცხვიც სამზე უნდა გავამრავლოთ.
ინფექციონისტი მაია ბუწაშვილის “ამბები.ჯი”-თან ამბობს
“არაოფიციალურად, გარკვეული გათვლებით, საქართველოში კორონავირუსგადატანილ თითო ადამიანზე, სამი დამატებითი შემთხვევა ანგარიშდება და ასე არის მიღებული ეს 20-25%.
თუმცა იმ რეგიონებში, სადაც ეპიდაფეთქება იყო, მაგალითად აჭარაში, შეიძლება ეს მაჩვენებლი გაცილებით მაღალი იყო. ჩვენ ვიცით, რომ თუ ოჯახის ერთ წევრს დაუდგინდებოდა ვირუსი, დანარჩენები ტესტს არ იკეთებდნენ.
30%-საც რომ ჰქონდეს ჩვენთან ეს ინფექცია გადატანილი, პოპულაციურ იმუნიტეტზე საუბარი მაინც ნაადრევია, რადგან მისი ჩამოყალიბისთვის საჭიროა მოსახლეობის 70% გადაიტანოს დაავადება.
“ჯოგური იმუნიტეტის” ეფექტზე საუბარი კორონავირუსის მაგალითზე, შეუძლებელია, რადგან არ არსებობს საკმარისი მონაცემები, მაგრამ შეგვიძლია განვიხილოთ “წითელას“ მაგალითი. მას რამდენიმეწლიანი ეფექტი აქვს, თუმცა, როგორც ჩანს, სრულად ვერ იცავს, რადგან პერიოდულად მაინც გვაქვს აფეთქებები”
კომენტარები