აშშ-ის არჩეული პრეზიდენტი, ჯო ბაიდენი და მისი მეუღლე, ჯილ ბაიდენი კორონავირუსის საწინააღმდეგო ვაქცინას 21 დეკემბერს გაიკეთებენ. ამის შესახებ აშშ-ის არჩეული პრეზიდენტის ოფიციალურმა წარმომადგენელმა, ჯენ ფსაკიმ განაცხადა.
„არჩეული პრეზიდენტი ჯო ბაიდენი და ჯილ ბაიდენი Pfizer-ის ვაქცინის პირველ დოზას ორშაბათს, დელავერის შტატში მიიღებენ“, – აღნიშნა ჯენ ფსაკიმ.
დღეს აშშ-ის ვიცე-პრეზიდენტმა, მაიკ პენსმა კორონავირუსის საწინააღმდეგო ვაქცინა საჯაროდ გაიკეთა.
მაიკ პენსთან ერთად ვაქცინა მისმა მეუღლემ, კარენ პენსმაც გაიკეთა. ვაქცინაციის ღონისძიება თეთრ სახლში გაიმართა.
14 დეკემბერს აშშ-ში კორონავირუსის საწინააღმდეგო ვაქცინაციის პროგრამა დაიწყო.
პანდემიის დაწყებიდან დღემდე აშშ-ში კორონავირუსის 17 212 496 შემთხვევა გამოვლინდა, 310 782 ადამიანი კი გარდაიცვალა.
კომენტარები