“პირველების” ინფორმაციით, ევროპისა და ევრაზიის საკითხებში აშშ-ის სახელმწიფო მდივნის თანაშემწე ჯიმ ო’ბრაიანი “ქართული ოცნების” ოფისში იმყოფება.
ამერიკელ მაღალჩინოსანს ავტომობილი “პირველების” კამერამ სწორედ მმართველი პარტიის ოფისში გადაიღო.
ჩვანთვის მოწოდებული ინფორმაციით, ჯიმ ო’ბრაიან პარლამენტის თავმჯდომარეს, შალვა პაპუაშვილს შეხვდება. უცნობია, დაესწრებიან თუ არა ამ აუდიენციას მმართველი პარტიის სხვა ლიდერები.
ამერიკის მღალჩინოსანი უკვე შეხვდა საქართველოს პრეზიდენტ სალომე ზურაბიშვილს, ჯიმ ო’ბრაიანი ოცნების ოფისში სწორედ ათონელის რეზიდენციიდან წავიდა.
ცნობისთვის, “ქართულმა ოცნებამ” ხალხის დარბევა დაიწყო მაშინ, როდესაც თავისუფლების მოედანზე, ძალადობრივი მოვლენებიდან რამდნიმე მეტრში ამერიკელი მაღალჩინოსანი ბაიდენის გუნდის წარმომადგენელი ოპოზიციასთან შეხვედრას მართავდა.
ევროპისა და ევრაზიის საკითხებში აშშ-ის სახელმწიფო მდივნის თანაშემწე დღის პირველ ნახევარში პრემიერს და არასამთავრობო სექტორს შეხვდა.
აღსანიშნავია, რომ შეხვედრამ პროტოკოლით გათვალისწინებულ დროს გადააჭარბა – ის 2 საათზე მეტხანს, დაგეგმილზე დიდხანს მიმდინარეობდა.
ამ დროისთვის არსებული ინფორმაციით, ო’ბრაიანი მედიისთვის კომენტარს 9-ის ნახევარზე გააკეთებს.
კომენტარები