სამოქალაქო აქტივისტი დავით ჩხეიძე, რომელიც დღეს პოლიციამ ხმაურით დააკავა, სოციალურ ქსელში წერს:
,,ჯერ აღმოვჩნდი ნარკომომხმარებელი. მერე აღარ. მასალა გააგზავნეს, ორ დღეში იქნება პასუხი.
იქნებ ისევ გავხდე. მაგრამ თქვენ გეტყვით – არასდროს მომიხმარია და არც მაქვს სურვილი.
გადამიღეს ფოტოები, ამიღეს თითის ანაბეჭდები, გამოითხოვეს პირადი მონაცემები.
თუ დამიდასტურეს – სისხლის სამართლის დანაშაულია.
პროცედურებს მიჰყვებოდნენ. პატრულის თანამშრომლები პატივისცემით მექცეოდნენ.
შემეშინდა? არა. მეშინია? არა.
ბავშვები შემიშინეს. ნინოსთან ერთად
მომაკითხეს აქციაზე, რომ ერთად წავსულიყავით.
თუ ტესტი შეცდა, შეეძლოთ მეორედ, იქვე გადაემოწმებინათ, თუნდაც ოჯახთან ერთად რომ ვიყავი, მაგიტომ.
პაატა ალავერდაშვილი იყო ჩვენთან ერთად. ჩემი ალკოტესტის მერე გადაიყვანეს მანქანიდან და დააკავეს.
განმარტეს – შეურაცხყოფა მოგვაყენაო. საგარეჯოშია გადაყვანილი. ადმინისტრაციულს ედავებიან.
მეგობრები მაშინვე მოვიდნენ, ოჯახთან ერთად ეგენიც ამიფორიაქეს.
მადლობა! მადლობა! მადლობა!
ვაგრძელებთ მშვიდად! მტკიცედ! და ბოლომდე!
რეჟიმი უნდა დასრულდეს!
როგორც ტატო ალავერდაშვილი ამბობს ხოლმე: “ამას არ ვიმსახურებთ ჩვენ!” არც თანამებრძოლები, არც მოქალაქეები და არც პოლიციელები, ვისაც ამის გაკეთება უწევს.
ეს დღე მარტო იმიტომ ღირდა: უკან ვამეხი მეჯდა. ძალიან ეშინოდათ. ამირანმა და კახამ მითხრეს – ბავშვები ხომ არ წავიყვანოთ:
– მე არ წავყვები! – თქვა ცრემლიანმა ვამეხმა. გამოიცადა ბიჭი. მაგის საქართველო
სხვანაირი იქნება.
ამის პირობა უნდა შევქმნათ, თუნდაც
ციხით დაგვემუქრონ ყველას.
მადლობა!
მადლობა!
თავისუფლება რეჟიმის ტყვეებს!“
შეგახსენებთ, აქტივისტი დავით ჩხეიძე პოლიციელებმა საპროტესტო აქციიდან წამოსვლის შემდეგ, გადამოწმების მიზნით გააჩერეს. აქტივისტი შეამოწმეს როგორც ალკოჰოლზე, ასევე ნარკოტესტზე – პოლიციელების განცხადებით, ნარკოტესტი დადებითი აღმოჩნდა და ის დამატებითი გადამოწმებისთვის განყოფილებაში გადაიყვანეს.
კომენტარები