“არა მონობას!” – ამ სახელწოდებით ჯარში გაწვევის წინააღმდეგ პარლამენტთან აქცია მიმდინარეობს. აქციის ერთ-ერთი ორგანიზატორის, გირჩის წევრის, სანდრო რაქვიაშვილის თქმით, ჯარი უნდა იყოს ნებაყოფლობითი.
“ვითხოვთ, რომ ჯარი იყოს ნებაყოფლობითი, რომ ღირსეული ხელფასი გადაუხადონ ჯარისკაცებს და ისეთი პირობები შევქმნათ, რომ თავისი ნებით მიდიოდნენ ჯარში ადამიანები. და მთავრობამ ნაცვლად იმისა, რომ ჯარზე იზრუნოს, იმის ნაცვლად, რომ იარაღი იყიდოს, მსახურების პირობები გააუმჯობესოს, წესიერი ხელფასი გადაუხადოს, ამას არაფერს არ აკეთებს და მერე ძალით მიჰყავს ახალგაზრდები”, – აცხადებს რაქვიაშვილი.
თავდაცვის სამინისტროს განცხადებით, ახალი თავდაცვის კოდექსის კანონპროექტში ცვლილებები შედის და სტუდენტებს სავალდებულო სამხედრო სამსახური აღარ შეეხებათ.
კომენტარები