ჯანგველაძის მკვლელობის საქმე – დღეს სასამართლოში სამი მოწმე დაიბარეს

თბილისის საქალაქო სასამართლოში ლევან ჯანგველაძის მკვლელობის საქმის განხილვა იწყება. თბილისში მოკლული ბიზნესმენის საქმეზე სამი მოწმე უნდა დაიკითხოს.

მათ შორის არის მამუკა ბაღდავაძე, რომელმაც საქმის მასალების თანახმად, გამოძიებას მნიშვნელოვანი ინფორმაციაა დაუმალა, იმის შესახებ რომ სწორედ მისი დახმარებით ცდილობდა ქილერი, ჯოხაძესთან კონტაქტზე გასვლას.

მამუკა ბაღდავაძეს ბრალდება წარედგინა სისხლის სამართლის კოდექსის 375-ე მუხლის მე-3 ნაწილით და 370-ე მუხლის მე-3 ნაწილით – განსაკუთრებით მძიმე დანაშაულის დაფარვა და მართლმსაჯულებისათვის ხელის შეშლის მიზნით ცრუ ინფორმაციის მიწოდება.
ადვოკატის თქმით, მამუკა ბაღდავაძე ჩვენების მიცემისთვის მზად არის, თუმცა არა დღეს.

დღეს უნდა გამოიკითხოს ლევან ჯანგველაძის მკვლელობის ერთ-ერთ ფიგურანტს, დავით მიქაძეს, დაცვის უფორსი, დავით ჩუბინიძე.

გამოძიების ინფორმაციით, დავით მიქაძე და დავით ჩუბინიძე წინასწარი შეთანხმებით, ჯგუფურად დაეუფლნენ ვახტანგ კობიაშვილის სახელზე რეგისტრირებულ 5 ცალ ცეცხლსასროლ იარაღს, საიდანაც ერთ-ერთი მესამე პირზე მართლსაწინააღმდეგოდ გაასაღეს.
სასამართლოში მივა დედექტივი, რომელმაც სხვადასხვა საგამოძიებო მოქმედება ჩაატარა ლევან ჯანგველაძის შეკვეთილ საქმეში.

საქალაქო სასამართლოსთან უსაფრთხოების ზომებს ისევ ამკაცრებენ, რადგან მხარეებს შორის შესაძლო დაპირისპირება აიცილონ თავიდან.

ცნობისთვის, ე.წ. კანონიერი ქურდის ძმა, ლევან ჯანგველაძე ჭავჭავაძის გამზირზე 14 მარტს ჩაცხრილეს. მომხდარზე პოლიციამ 17 მარტს გელა უძილაური დააკავა. მას სასამართლომ უვადო პატირმობა უკვე მიუსაჯა.
ჯანგველაძის მკვლელობის საქმეზე 12 აგვისტოს შსს-მ 3 პირი დააკავა – გიორგი მიქაძე, გიორგი კაჭკაჭიშვილი და მამუკა ბაღდავაძე. მათთან ერთად დაუწრებლად წარეგინათ ბრალი დავით მიქაძეს და გიორგი ჯოხაძეს. ძმები მიქაძეები ოთარ ფარცხალაძის გარემოცვის წევრები არიან. ამავე საქმეზე ბრალდებულია თავად ოთარ რომანოვ ფარცხალაძე, რომელზეც ძებნაა გამოცხადებული.