ჯალათი ალეპოდან – გენერალი, რომელიც აკრძალული კასეტური ჭურვებით მშვიდობიანი ხარკოვის დაბომბვას ხელმძღვანელობდა

გამოცემა “სიენენი” სატელიტური სურათების ანალიზის საფუძველზე და  ინფორმაციის მდგრადობის ცენტრთან (CIR) და სახმელეთო გამოკვლევებთან თანამშრომლობით  წერს:

რუსეთის არმიის გენერალ-პოლკოვნიკი ალექსანდრე ჟურავლევი. 2016 წელს ის ხელმძღვანელობდა რუსეთის ერთ-ერთ ყველაზე სასტიკ ოპერაციას სირიის ომში – იერიში ალეპოზე, ეს ის ჟურავლევია, რომელიც აკრძალული კასეტური ჭურვებით მშვიდობიანი ხარკოვის სასტიკ დაბომბვას ხელმძღვანელობდა. 

ხარკოვი ომის პირველივე დღეებიდან იბომბებოდა აკრძალული კასეტური საბრძოლო მასალებით. ოკუპანტები მიზანმიმართულად ურტყამდნენ საცხოვრებელ უბნებს, რამდენიმე დღეში კი ქალაქის აღებას ელოდებოდნენ.ოკუპანტი ქვეყნის არმიამ ხარკოვის საცხოვრებელ რაიონებში Smerch-ის მრავალჯერადი სარაკეტო სისტემებიდან (MLRS) 300 მმ-იანი ჭურვები გაუშვა – „ეს ჭურვები ისვრის ფეხბურთის მოედნის ზომის ფართობზე“.

CNN-ის ჟურნალისტებმა აღმოაჩინეს 11 „ტორნადო“, რომლებიც ხარკოვში მხოლოდ 27 და 28 თებერვალს მოხვდა. ისინი ეკუთვნოდნენ რუსეთის 79-ე სარაკეტო საარტილერიო ბრიგადას, რომელიც დაფუძნებულია ბელგოროდის რეგიონში.

ეს დანაყოფი ექვემდებარება რუსეთის ფედერაციის შეიარაღებული ძალების დასავლეთ სამხედრო ოლქის ხელმძღვანელობას და მას ხელმძღვანელობს გენერალ-პოლკოვნიკი ალექსანდრე ჟურავლევი.

სამხედრო ექსპერტები დარწმუნებულნი არიან, რომ ჟურავლევი ერთადერთი ოფიცერია, რომელიც უფლებამოსილია მის რაიონში „ტორნადოს“ სარაკეტო შეტევის ბრძანება გასცეს, რადგან ეს ძვირად ღირებული იარაღია და „უფროსის თანხმობა“ სჭირდება.