ბიძინა ივანიშვილის პირადი მცველი მიხეილ სააკაშვილის წინააღმდეგ – ანზორ ჩუბინიძე და მესამე პრეზიდენტი ერთმანეთს სასამართლო დარბაზში შეხვდებიან. ჩუბინიძე დაკითხვაზე სააკაშვილის ადვოკატებმა დაიბარეს. მან უნდა თქვას – თუ პრეზიდენტის ხარჯების გასაიდუმლოება კანონდარღვევა იყო, მაშინ რატომ არის დღემდე საიდუმლო სალომე ზურაბიშვილის ხარჯები.
მაგალითად, ვინ აფინანსებს ახლა პრეზიდენტის სასახლის მორთვას? დღეს ,,ტვ პირველმა” გადაიღო კადრები, რომ ჩიჩილაკებით ერთხელ მორთული ორბელიანების სასახლე პრეზიდენტს უბრალოდ არ მოეწონა და ამიტომ იქ ახალი ჩიჩილაკებით სავსე მთელი მანქანა მიიყვანეს.
სახელმწიფო დაცვის ხელმძღვანელი, ანზორ ჩუბინიძე, “ტვ პირველთან” აცხადებს, რომ ის მზად არის, სასამართლოში ჩვენება მისცეს.
ანზორ ჩუბინიძე საქალაქო სასამართლოში 27 დეკემბერს უნდა მივიდეს. ადვოკატებს განსაკუთრებით აინტერესებთ, 2013 წლის 27 თებერვლიდან ერთი წლის განმავლობაში სახელმწიფო დაცვის სამსახური რა ხარჯებს გაწევდა მაშინ, როდესაც პრეზიდენტი მიხეილ სააკაშვილი იყო და თემურ ჯანაშიას პოსტს ანზორ ჩუბინიძე იკავებდა.
თუ ამის საშუალება და საჭიროება იქნება, თუ დაგვიძახებს, 27 დეკემბერს სასამართლოზე მიხილავთ”- განაცხადა ჩუბინიძემ.
ამასთან, ადვოკატები ჩუბინიძეს აუცილებლად კითხავენ, რატომ გახდა “ქართული ოცნების” ხელისუფლების პირობებში პრეზიდენტ სალომე ზურაბიშვილის ხარჯები საიდუმლო.
სახელმწიფო დაცვის სპეციალური სამსახურის უფროსი ამბობს, რომ ამ კითხვის ადრესატი თვითონ არ არის და ხარჯების გასაიდუმლოების გადაწყვეტილება მას არ მიუღია.
მე არ ვარ ის უწყება, ვინც საიდუმლო დაადო, კითხეთ იმას, ვინც დაადო… შემიძლია, დაცვასთან დაკავშირებით არსებულ ხარჯებზე გაგცეთ პასუხი. შემიძლია, გაქცეთ პასუხი შენობასთან დაკავშირებით. რადგან ის არის სახელმწიფო უზრუნველყოფის ბალანსზე და არის ახელმწიფო სიპი”- თქვა ჩუბინიძემ.
“ტვ პირველმა” პრეზიდენტის ხარჯებთან დაკავშირებით კითხვა სალომე ზურაბიშვილს დაუსვა. მან “ტვ პირველის” კორესპოდენტს “კარგი ჟურნალისტი” უწოდა, თუმცა ისეც ძაღლ “გომბორასკენ” გადაამისამართა.
ტვ პირველი
კომენტარები