პარტია “საქართველოს” ლიდერი, გიორგი გახარია, “ტვ პირველთან” ამბობს:
“მაშინ, როდესაც მაქებდნენ, მადიდებდნენ, ეს ხალხი, აი, ეს ბიჭები, (გულისხმობს პარტია “ოცნების” ამჟამინდელ ლიდერებს) მაშინაც მათ სიტყვას ნოლი ჰქონდა ფასი. დღესაც მათ ლანძღვას ნოლი აქვს ფასი. ეს არის ხალხი, ვისაც თავისი სიტყვა შეუძლია შეცვალოს მეორე დღეს. ნერვი არ გამიტოკდება,. ვიცი რა არის ჩემი მიზანი და მივდივარ მიზნისკენ.
ჩვენ ყველა, მოქალაქეები ვხედავთ, დღეს შეიძლება ითქვას ერთი, ხვალ – მეორე. უცებ შეუძლიათ მოტრიალდნენ და 180 გრადუსით სხვა თქვან. ასე არ იყო ხელმოწერაზეც? ჯერ მოვაწერეთ ხელი, მერე არ მოვაწერეთ ხელი.
ესენი დროსა და სივრცეში დაკარგულები არიან.
კითხვაზე, დაუპირისპირდება, თუ არა ივანიშვილსაც, თუ საჭირო გახდება, გახარია პასუხობს:
ჩემთვის მთავარია ადამიანები, რომლებიც ხელს უშლიან სახელმწიფოს ჩამოყალიბებას, ვინც არ უნდა იყვნენ ისინი. ივანიშვილს ამ ქვეყნის წინაშე აქვს უზარმაზარი დამსახურება და ამის არდანახვა იქნება არაეთიკური. ესენი პატარა ბავშვები კი არ არიან, რას ნიშნავს ივანიშვილი ურეკავს, არ ურეკავს, მათი არჩევანია მოიქცნენ ისე, როგორც იქცევიან… თქვენი საუბარი, ვიღაც უხილავი ხელი… ძალიან კომფორტულად არიან… ივანიშვილს აქვს დიდი წვლილი შეტანილი ქვეყანაში, ეს არის ადამიანი, რომელმაც 2012 წელს, საკუთარი, ბევრი რისკის ფასად გადადგა ის ნაბიჯი, რომლის გადადგმაც ერთეულებსაც გაუჭირდებოდა. რა მოხდა მის მერე – ზოგს მოსწონს, ზოგს არ მოსწონს, ისტორია შეაფასებს ამას. ახლა თქვა, აღარ ვარ პოლიტიკაში, გავიწიე და ჩემთვის ეს მოცემულობაა, მივიღე ეს მოცემულობად. მე გადავდექი, წავედი პოლიტიკაში, თავისუფალი ადამიანი ვარ, ვიღაცას თუ არ შესწევს თავისუფლად არჩევანის გაკეთების თავი, ეს მათი პრობლემაა.
კომენტარები