მხოლოდ თბილისში ათასამდე მოქალაქემ უკვე მიიღო მისთვის სასურველი მომსახურება, ხოლო საქართველოს მასშტაბით, დაახლოებით 2 ათასამდეა იმ სერვისების რაოდენობა, რაც გავეცით, – ამის შესახებ იუსტიციის სახლის აღმასრულებელმა დირექტორმა, სოსო გიორგაძემ „ქრონიკის” ეთერში განაცხადა.
მისი თქმით, ჯავშნების ჩამონათვალი ვრცელია და იქვე განმარტა, რომ იუსტიციის სახლები და საზოგადოებრივი ცენტრები შაბათ-კვირასაც იმუშავებენ.
„მინდა დავაზუსტო, რომ იუსტიციის სახლები და საზოგადოებრივი ცენტრები შაბათ-კვირასაც იმუშავებენ. ჩვენ არ გავჩერდებით, ყოველდღე ვიმუშავებთ იმისთვის, რომ ჩვენს მოქალაქეებს მივცეთ შესაძლებლობა, რომ მათ სასურველი სერვისების მიღება მოახერხონ” – განაცხადა სოსო გიორგაძემ.
იუსტიციის სახლები და საზოგადოებრივი ცენტრები უკვე გაიხსნა და ისინი ახალი პრინციპით მუშავებენ. მოქალაქე შენობაში შესვლას და სერვისის მიღებას მისთვის სასურველ დღესა და დროს შეძლებს, თუკი ვიზიტს my.gov.ge-ს პორტალზე დაჯავშნის.
როგორ უნდა მოიქცეთ, თუ იუსტიციის სახლში მისვლას გეგმავთ. დეტალური ინსტრუქცია შეგიძლიათ ამ ბმულზე იხილოთ.
კომენტარები