„ნაციონალური მოძრაობის“ წევრი რომან გოცირიძე პრემიერ-მინისტრ ირაკლი ღარიბაშვილის განცხადებას იმის შესახებ, რომ სააკაშვილის გათავისუფლებას „პლანეტაზე ვერცერთი ადამიანი ვერ აიძულებს,“ სოციალურ ქსელში ეხმაურება.
„არ არსებობს ადამიანი, მითხრას, მიხეილ სააკაშვილი გაანთავისუფლე და ეს გავაკეთოო, ბრძანა ბატონმა ღარიბაშვილმა. ბიძინამ რომ უთხრას (ისე ეტყვის, როგორც დაგიბარებიათ,) მაშინ რა პასუხი ექნება, როგორ ფიქრობთ? იტყვის, ბატონი ბიძინა, ის ბრძენი კაცი, ადამიანი ხომ არ არის, ის ზეადამიანია, ზეკაციაო.
რას ერჩით, იცის კაცმა ნიცშე და სიტყვის არგატეხვა,“- წერს რომან გოცირიძე.
ცნობისათვის, აღნიშნული განცხადება პრემიერმა ტელეკომპანის „იმედის“ ეთერში გააკეთა.
„პლანეტის ნებისმიერი ადამიანი რომ ჩამოვიდეს და გვთხოვოს, დღეს ხელისუფლებაში სააკაშვილის გამომშვები არავინ არ არის,“ – განაცხადა ირაკლი ღარიბაშვილმა.
კომენტარები