იტალიის მთავრობამ არავაქცინირებული პირებისთვის შეზღუდვები გაამკაცრა. ინფორმაციას ამის შესახებ სააგენტო Reuters-ი ავრცელებს.
ახალი ზომების მიხედვით, რომელიც 6 დეკემბრიდან ამოქმედდება, არავაქცინირებული პირები ვერ შევლენ ისეთ ადგილებში, როგორიცაა კინოთეატრები, რესტორნები და სპორტული ღონისძიებები.
„ჩვენ ვხედავთ, რომ სიტუაცია მოსაზღვრე ქვეყნებში ძალიან სერიოზულია და ასევე ვხედავთ, რომ იტალიაში მდგომარეობა თანდათან, მაგრამ მუდმივად უარესდება. გვსურს გონივრულად მოვიქცეთ, რათა დავიცვათ ის, რასაც იტალიელებმა გასულ წელს მიაღწიეს“, – განაცხადა იტალიის პრემიერ-მინისტრმა, მარიო დრაგიმ.
კომენტარები