ირანში ჟურნალისტი რუჰოლ ზამი სიკვდილით დასაჯეს. ის 2017 წელს ანტისამთავრობო გამოსვლებში მონაწილეობისთვის დააკავეს. ამის შესახებ Reuters იუწყება.
2017 წლის შემდეგ ზამი ირანიდან წავიდა და საფრანგეთში თავშესაფარი მიიღო. 2019 წელს ის ირანულმა სპეცსამსახურებმა „სპეცოპერაციის შედეგად“ დააკავეს და ირანში დააბრუნეს. ამ სპეცოპერაციის ჩატარების ადგილი უცნობია.
რუჰოლ ზამი საიტ Amadnews-ის ხელმძღვანელი იყო, რომელსაც მილიონამდე ხელმომწერი ჰყავდა. ირანის ხელისუფლება ამ საიტს „კონტრრევოლუციურ ქსელს“ უწოდებს.
ირანში 2017 წელს მიმდინარე საპროტესტო აქციების დროს 21 ადამიანი დაიღუპა. ათასობით პირი დაკავებული იყო. ეს ყველაზე სერიოზული საპროტესტო აქციები იყო ირანში ბოლო ათწლეულების განმავლობაში.
ევროპულმა სახელმწიფოებმა ჟურნალისტის სიკვდილით დასჯის ფაქტი დაგმეს.
კომენტარები