აშშ-ში დაფუძნებული ადამიანის უფლებათა საინფორმაციო სააგენტო HRANA-ს ცნობით, ანტისამთავრობო დემონსტრაციების დაწყებიდან დღემდე, ირანში სულ მცირე 2,403 მომიტინგე დაიღუპა.
მათ შორისაა 12 არასრულწლოვანი. თავის უახლეს ანგარიშში HRANA ასევე აღნიშნავს, რომ დაკავებულია სულ მცირე 18,137 ადამიანი.
ახალი ჯამური მაჩვენებელი საგანგაშოდ არის გაზრდილი. ჯერ კიდევ სამშაბათს ცნობილი იყო მხოლოდ 1,850 გარდაცვლილის შესახებ.
ორგანიზაციის მტკიცებით, მონაცემები ეფუძნება იმ შემთხვევებს, რომელთა იდენტიფიცირება და გადამოწმებაც შეძლეს. CNN-ი იუწყება, რომ ირანში ინტერნეტის მიმდინარე გათიშვის გათვალისწინებით, შესაძლებელია, რომ რეალური რიცხვი გაცილებით მაღალი იყოს.
კომენტარები