ირანმა ორ თვეზე მეტი ხნის საპროტესტო აქციების შემდეგ, “მორალის პოლიცია” გააუქმა – ამის შესახებ ინფორმაცია მედიაში გავრცელდა.
„მორალის პოლიციას არაფერი აქვს საერთო სასამართლო სისტემასთან და გაუქმდა”, – თქვა გენერალურმა პროკურორმა მოჰამედ ჯაფარ მონთაზერმა საინფორმაციო სააგენტო ISNA- თან.
გენერალურმა პროკურორმა კომენტარი გააკეთა რელიგიურ კონფერენციაზე, სადაც მან უპასუხა მონაწილეს, რომელმაც ჰკითხა – „რატომ იხურებოდა მორალის პოლიცია“.
ირანში “მორალის პოლიციის” ქვედანაყოფებმა პატრულირება 2006 წელს დაიწყეს. მორალის პოლიცია, შეიქმნა პრეზიდენტ მაჰმუდ აჰმადინეჟადის დროს, რათა ქალებში გაევრცელებინა „მოკრძალებისა და ჰიჯაბის ტარების კულტურა“.
ცნობისთვის საპროტესტო აქციები ირანში უკვე 2 თვეზე მეტია მიმდინარეობს. მოსახლეობის პროტესტი 22 წლის ირანელი ქალის, მაჰსა ამინის გარდაცვალებას მოჰყვა. ის “მორალის პოლიციამ” ჰიჯაბის ტარების წესის დარღვევის გამო დააკავა და მასზე ფიზიკურად იძალადა. სამართალდამცველების მიერ ნაცემი ახალგაზრდა გოგო მოგვიანებით კლინიკაში გარდაიცვალა.
კომენტარები