ამ ადამიანებმა 2010 წელს და შემდგომ, 2012 წლის დასაწყისში სრულად შემოიღეს უვიზო რეჟიმი რუსეთის მოქალაქეებისთვის. გახსოვთ ალბათ საზღვარზე ჩასული მიხეილ სააკაშვილი, როგორ ამაყობდა მზარდი ნაკადით. ეს ადამიანები დღეს ქსენოფობიურ კამპანიას აღვივებენ, – ამის შესახებ „ქართული ოცნების“ თავმჯდომარე ირაკლი კობახიძემ პარტიის ოფისში გამართულ ბრიფინგზე განაცხადა.
კობახიძის თქმით, მათ სურთ საქართველო სამხედრო კონფლიქტში ჩართონ, რაც არ გამოუვათ.
„მაშინ, ჩვენი, რუსეთ-საქართველოს ომიდან იყო გასული არასრული 3 წელიწადი. ასეთ დროს შემოიღეს მათ უვიზო რეჟიმი, რაც დღემდე მოქმედებს. ამ ქსენოფობიურ კამპანიას აქვს ერთადერთი მიზანი – რამენაირად ჩართონ საქართველო სამხედრო კონფლიქტში, რასაც რა თქმა უნდა ვერ მიაღწევენ“, – აღნიშნა კობახიძემ.
კომენტარები