„იყო მცდელობა ჩემი გაგუდვის“ – დავით ქაცარავამ კლინიკა დატოვა

სპეცრაზმელების მიერ სასტიკად ნაცემმა დავით ქაცარავამ კლინიკა რამდენიმე წუთის წინ დატოვა:

„რაც შეეხება ჩემს ზოგად მდგომარეობას – ბუნებრივია, ძალიან მძიმე ფორმით არის ტვინის შერყევა და საკმაოდ მიჭირს როგორც გადაადგილება, ასევე რაიმე სახის აქტივობა და უნდა დავემორჩილო იმ მკურნალობას, რომელიც დანიშნული მაქვს. გარკვეული პერიოდი წოლითი რეჟიმი მექნება დანიშნული. ახლა აქედან პირდაპირ მივდივართ ექსპერტიზაზე, რომ ჩატარდეს სამხარაულის ბიუროში ექსპერტიზა, შემდეგ იქიდან სახლში და მაქსიმალურად გავაკეთებ ყველაფერს იმისთვის, რომ რაც შეიძლება მალე დავუბრუნდე საოკუპაციო ხაზს, დავუბრუნდე პროტესტს ქუჩაში, იმიტომ რომ ზუსტად ვიცი, ახლა რაც ხდება საქართველოში, ეს არის ეგზისტენციალური ბრძოლა რუსული რეჟიმის წინააღმდეგ.

ჩანს კვალი, როგორ მახრჩობდნენ ე.წ. სპეცრაზმელები, იმიტომ რომ მათ სპეცრაზმთან არანაირი კავშირი არ აქვთ, ისინი უბრალოდ ჯალათები არიან და იყო მცდელობა ჩემი გაგუდვის, რომელიც საკმაოდ ბრუტალური იყო და ეს ხდება იმ ბოლო ცემის დროს, როდესაც ყველაზე სასტიკად გამისწორდნენ ეს ჯალათები. ზოგადი მდგომარეობა არ არის მარტივი, მხედველობის პრობლემაც მაქვს”