ინგლისში კორონავირუსით ინფიცირებული შემთხვევების 90%-ზე მეტი COVID-19-ის ახალ შტამზე, “ომიკრონზე” მოდის. ინფორმაციას გაერთიანებული სამეფოს ჯანდაცვის უსაფრთხოების სააგენტო ავრცელებს.
უწყების ცნობით, ამასთან დაკავშირებით, 31 დეკემბრიდან ხელისუფლება ინგლისში “ომიკრონის” შტამის შემთხვევების შესახებ ცალკე სტატისტიკის გამოქვეყნებას შეწყვეტს, ვინაიდან ის რეალურ მდგომარეობას უკვე დიდი ხანია აღარ ასახავს.
ბოლო მონაცემებით, ქვეყანაში “ომიკრონის” შტამით ინფიცირების მხოლოდ 210 ათასი შემთხვევაა დადასტურებული, მიუხედავად იმისა, რომ მხოლოდ ოთხშაბათს კორონავირუსის რეკორდული 183 ათასი შემთხვევა დაფიქსირდა.
კომენტარები