ინდოეთის მუმბაიში პოლიციამ 14 ადამიანი დააკავა. მათ კრიმინალური სქემის ორგანიზაციაში ადანაშაულებენ, რომლის ფარგლებში 10-ზე მეტ ვაქცინაციის კერძო პუნქტში ვაქცინის ნაცვლად მოქალაქეებს მარილიანი წყლით ცრიდნენ. ამის შესახებ People წერს.
დანაშაულის ორგანიზატორები, რომელთა შორის მედიკოსებიც იყვნენ, ერთ დოზაში 10-დან 17 დოლარამდე იღებდნენ. ჯამში თაღლითებმა 28 000 აშშ დოლარი გამოიმუშავეს.
ჯამში ამ “მედპუნქტებში” ვაქცინაცია 2600 ადამიანმა გაიარა. ეჭვი, რომ რაღაც რიგზე არაა, მათ მაშინ გაუჩნდათ, როდესაც ინდოეთის მთავრობის ონლაინ-პორტალზე საკუთარი ვაქცინაციის შესახებ მონაცემები ვერ იპოვეს.
გამოძიებით დადგინდა, რომ საავადმყოფოებმა, რომელთა სახელით ვაქცინაციის სერტიფიკატები გაიცემოდა, არც კი იცოდნენ, რომ მათი ლოგოებიანი ბლანკები თაღლითობისთვის იყო გამოყენებული.
კომენტარები