ინდოეთში კორონავირუსის შემთხვევათა რიცხვმა ცხრა მილიონს გადააჭარბა. ინფორმაციას „გარდიანი“ ავრცელებს.
ქვეყნის ჯანდაცვის სამინისტროს ცნობით, ბოლო 24 საათში ქვეყანაში ვირუსის 45 882 ახალი შემთხვევა გამოვლინდა.
საერთო ჯამში, ინდოეთში პანდემიის დაწყებიდან დღემდე აღრიცხულია „კოვიდ-19“-ის 9 004 365 შემთხვევა, გარდაიცვალა 132 162 ინფიცირებული პაციენტი.
ინდოეთი აშშ-ის შემდეგ მეორე ქვეყანაა, სადაც „კოვიდ-19“-ის დიაგნოზი ცხრა მილიონზე მეტ ადამიანს დაუსვეს.
სპეციალისტები მოსახლეობას აფრთხილებენ, რომ ინდოეთში ნოემბრის თვეში დაგეგმილი დღესასწაულის გამო ვირუსის გავრცელების ტემპმა შეიძლება, ისევ მოიმატოს.
კომენტარები