თავდაცვის სამინისტრომ მიხეილ სააკაშვილის მკურნალი ექიმის ერთ წუთიანი ვიდეომიმართვა გაავრცელა.
ნინო გოგორიშვილი ახალ მიმართვაში მიხეილ სააკაშვილის ადვოკატებს უპირისპირდება და მათ ფსიქოლოგიური ტრამვის მიყენებაში ადანაშაულებს.
„მინდა, გავაკეთო მოკლე კომენტარი იმ ბრალდებებზე და მოვლენებზე, რაც ბოლო დღეებში მუსირებს პრესაში. კონკრეტულად, პირველ რიგში ის, რომ ფსიქოლოგიური ტრავმა მე მივიღე მაშინ, როცა ვუყურებდი პირდაპირ ტრანსლაციას ნიკა გვარამიას ინტერვიუს სახით, როდესაც გამოვიდა ჰოსპიტლიდან და ტელემედიას მისცა თავისი ინფორმაცია. ეს ინფორმაცია იყო მიღებული ჩემგან, მაგრამ ინტერპრეტირებული ისე, როგორც აწყობდა მას. ასე რომ, ეს ჩემთვის იყო შოკისმომგვრელი და მას შემდეგ, რაც გაიჟღერა ნიკას გვარამიას არხით და უშუალოდ ნიკა გვარამიასგან, მე ვერ ვიქნები მიხეილ სააკაშვილის მკურნალი ექიმი და ვთვლი, რომ ამ ეტაპზე, ამ მომენტში უნდა შეწყდეს ნებისმიერი კომენტარი და ლაპარაკი ჩემი პიროვნებისა და ჰოსპიტლის შესახებ“, – განაცხადა ნინო გოგორიშვილმა.
კომენტარები