ახალი კორონავირუსული ინფექციით იმერეთში ორი პაციენტი გარდაიცვალა. გარდაცვლილთაგან ერთი თერჯოლის კოვიდცენტრში მკურნალობდა. 64 წლის ქალბატონი კლინიკაში ერთი კვირის წინ, მძიმე მდგომარეობაში, აჭარიდან შეიყვანეს.
ქალბატონს ორმხრივ მწვავე პნევმონიასთან ერთად, სუნთქვის მწვავე უკმარისობა აღენიშნებოდა და მართვით სუნთქვაზე იმყოფებოდა, რაც შეეხება მეორე გარდაცვლილს, ის 80 წელს გადაცილებილი ქალბატონია და სამტრედიის კოვიდცენტრში მკურნალობდა. მას კოვიდინფექციასთან ერთად, ქრონიკული დაავადებები აწუხებდა.
ამ დროისთვის საქართველოში კორონავირუსის 12 841 შემთხვევაა დადასტურებული, გამოჯანმრთელებულია 6 867 ადამიანი, გარდაიცვალა 102 პაციენტი, უცხოეთიდან სამკურნალოდ გადმოყვანილია საქართველოს 41 მოქალაქე.
კომენტარები