იმერეთის რეგიონიდან „ქართული ოცნების“ მხარდამჭერების ავტოკოლონა დაიძრა

იმერეთის რეგიონიდან „ქართული ოცნების“ მხარდამჭერები თბილისისკენ მოემართებიან. ქუთაისიდან ავტოკოლონების ნაწილი უკვე დაიძრა.

„ქრონიკის“ ჟურნალისტის ინფორმაციით, ამ რეგიონიდან თბილისში „ქართული ოცნების“ დაახლოებით 20 ათასამდე მომხრე ჩავა. მათ შორის ქუთაისიდან 6 ათასამდე ადამიანი მიიღებს აქციაში მონაწილეობას.

„ქვეყანაში ძალადობა და აგრესია უნდა დამთავრდეს, გვინდა ქვეყნის მშვიდობიანი განვითარება“, – აცხადებენ „ქართული ოცნების“ მომხრეები.