“იმან მიიღო… ჩვენ სასამართლოში გამტყუნდა” – ზარქუა სააკაშვილზე

საპარლამენტო უმრავლესობის წევრი, ირაკლი ზარქუა, მიხეილ სააკაშვილის გუშინდელ სიტყვით გამოსვლას სასამართლო პროცესზე, მედიასთან ასე აფასებს:

“შევეშვათ ამ ადამიანს, პატიმარია… იმან მიიღო… იმ ბრალდებების საპასუხოდ ჩვენ სასამართლოში, სამივე ინსტანციაში გამტყუნდა.

მას თუ განსხვავებული პოზიცია აქვს, რასაც გუშინ ზღაპრებს ჰყვებოდა, შეუძლია გაასაჩივროს… სააკაშვილის მიმართ საქართველოს ხელისუფლებას პოლიტიკური დევნა არასდროს განუხორციელებია და ამის დასტურია სტრასბურგის გადაწყვეტილება, სადაც პირდაპირ იყო დადანაშაულებული გირგვლიანის თემასთან დაკავშირებით. ამაზე მეტი ლუსტრაცია რად გინდათ?”