სამოქალაქო აქტივისტი, სალომე სიმონია:
პატრიარქმა, როგორც რუსების მიერ გაჩანაგებული ეკლესია ჩაიბარა და 52-დან 2000-მდე გაზარდა, ააშენა, გააცოცხლა, ისე, მგონია და იმედს ვიტოვებ, რომ უღმერთო საბჭოთა კავშირის მიერ დაზიანებულ ერს, მრევლს კეთილისა და ბოროტის გარჩევის, ფარისევლობის ამოცნობის უნარებიც შეასწავლა და შესძინა.
და თუ ეს ასეა, მაშინ ქართული ეკლესიის მრევლი ამ დღეების მანძილზე, თვალნათლივ და ადვილად ამოიცნობდა ოცნების ფარისევლობასა და სივერაგეს. ხარბ და დაუოკებელ სურვილს – მხოლოდ ძალაუფლება კი არა, პატრიარქიც კი მიეთვისებინათ. პარტიული ქულები დაეგროვებინათ მის გარდაცვალებაზეც. ამაზე შემზარავი, უნიჭო და უშნო ცოტა რამ არსებობს.პატრიარქი ერთიანობას ქადაგებდა და ოცნება მხოლოდ დაყოფისთვის, დაპირისპირებისთვის იღწვის.
ფოტო: დარო სულაკაური
კომენტარები