„ყველა ისეთ პარტიას, რომელიც იყო ხელისუფლებაში შეუძლია 25%- ის ფარგლებში შერჩეს ელექტორატი, თუ ძალით არ გააუქმეს,“- წერს სოციალურ ქსელში ანალიტიკოსი ნუკრი შოშიაშვილი და საქართველოს არც თუ შორეულ წარსულს იხსენებს.
„გამსახურდიამ გააუქმა კომუნისტური პარტია, თორემ შერჩებოდა თავის ელექტორატით, მოქალაქეთა კავშირიც შერჩებოდა თვითონ რომ ნდომოდათ, უბრალოდ ამჯობინეს დაშლილიყვნენ, დიდი ნაწილი კი ნაცებს შეუერთდა.
მეტსაც გეტყვით მეორე მსოფლიო ომის შემდეგ, ნაციონალ-სოციალისტებისთვის რომ მიეცათ უფლება არჩევნებში მიეღოთ მონაწილეობა, თუ პირველ ადგილზე არა, მეორეზე გავიდოდნენ და დროთა განმავლობაში ძალაუფლებასაც აიღებდნენ ხელში,”- წერს შოშიაშვილი.
მისი აზრით, სწორედ ამიტომ არ უნდა გაგვაკვირვოს „ნაციონალური მოძრაობის“ მხარდამჭერთა რიცხვმა. ეს რიცხვი მათთვის შექმნილმა პირობებმა განაპირობა.
„ნაციონალური მოძრაობის“ შემთხვევაში არ უნდა გაგვიკვირდეს რომ ხმები შერჩათ, მას ხომ ისეთი ხელოვნური პირობები შეუქმნეს, რომ რეალურად მოედანი მისცეს და დიაკურსული ველო.
მე ღრმად ვარ დარწმუნებული რომ ასეთი პარტიები რომლებსაც ასეთი წარსული აქვთ, მათი მოღვაწეობა უნდა იყოს შეზღუდული, მაგრამ ამას სჭირდება იდეოლოგიური დეკონსტრუქცია. ეს კი რატომ არ მოხდება? იმიტომ რომ რეალურად იდეოლოგიური წარმოდგენები ისევ ის დარჩა რაც იყო, უბრალოდ ეს ყველაფერი მიშას გარეშე,“ – წერს ნუკრი შოშიაშვილი.
კომენტარები