„დედაქალაქში ამოქმედდება სპეციალური პროგრამა – „არცერთი უსახლკარო ოჯახი“, რომლის ფარგლებშიც ყველა ის ოჯახი, რომელსაც უსახლკაროს სტატუსი აქვს მინიჭებული, საცხოვრებელი ფართით...
მომდევნო წლებში, თბილისის მერიის მიმდინარე პროგრამებთან ერთად, სოციალური და ჯანდაცვის მიმართულებით, ხუთი ახალი პროგრამა იმოქმედებს, - ამის შესახებ თბილისის მერის...
აჭარის მთავრობის თავმჯდომარე თორნიკე რიჟვაძე, აჭარის უმაღლესი საბჭოს თავმჯდომარე დავით გაბაიძე და რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი,...
თავდაცვის სამინისტროდან ათეულობით მილიონი დოლარი აბსოლუტურად უსაფუძვლოდ არის გადარიცხული და დღემდე არსებობს 300 მილიონამდე ობშორული კომპანიების დებიტორული დავალიანებები- ამის შესახებ საქართველოს პრემიერ-მინისტრმა ირაკლი ღარიბაშვილმა განაცხადა. მთავრობის მეთაურის თქმით, თავდაცვის სამინისტროდან დავით კეზერაშვილის მინისტრობის დროს ფული გადარიცხეს და არც შეიარაღებაა შემოსული და არც ტრენინგი ჩატარებულა, ეს მძიმე დანაშაული კი მას უკვე დაუმტკიცდა და სასჯელიც მიესაჯა. „დავით კეზერაშვილს მიესაჯა და დამტკიცდა ის მძიმე დანაშაული, რაზეც მე ვსაუბრობდი და არა მხოლოდ მე, მთელი ჩვენი გუნდი საუბრობდა. თავდაცვის სამინისტროდან ათეულობით მილიონი დოლარი გადარიცხულია აბსოლუტურად უსაფუძვლოდ, დღემდე არსებობს ობშორული კომპანიების დებიტორული დავალიანებები 300 მილიონამდე, ფული გადარიცხულია, არც შეიარაღებაა შემოსული, არც ტრენინგი ჩატარებულა და არაფერი. ეს არის ჩვენს შორის განსხვავება“,- განაცხადა ირაკლი ღარიბაშვილმა.
ჩვენ ვართ სამართლებრივი, დემოკრატიული სახელმწიფო, თუ ადამიანს არ უმტკიცდება დანაშაული და მის განცხადებასა და მოწოდებაში არ იკვეთება კანონდარღვევა, როგორ დავაკავებთ?!-ამის შესახებ საქართველოს პრემიერ-მინისტრმა ირაკლი ღარიბაშვილმა 5 ივლისის საქმის გამოძიების შეფასებისას განაცხადა. „ჩვენ ვცხოვრობთ დემოკრატიულ ქვეყანაში. ჩვენ ხომ არ ვცხოვრობთ სააკაშვილის ეპოქაში?! ჩვენ ვართ დემოკრატიული, სამართლებრივი სახელმწიფო. თუ ადამიანს არ უმტკიცდება დანაშაული და მის განცხადებასა და მოწოდებაში არ იკვეთება კანონდარღვევა, როგორ დავაკავებთ?! იმის გამო, რომ მორგოშიაა, კაკულია თუ ღარიბაშვილია, მაგის გამო დავსაჯოთ ეს ადამიანი?! ეს ხომ ანტიდემოკრატიულია?! ეს ხომ ეწინააღმდეგება სამართლებრივი სახელმწიფოს პრინციპებს?! პროკურატურას აქვს გამოძიება, ისინი აგროვებენ მტკიცებულებებს, პოლიცია ჩართულია. 30 კაცზე მეტი დააკავა პოლიციამ. ვიხილავთ თუ არა უფრო მეტ დაკავებულს, ნამდვილად არ ვიცი. ამდენი საფიქრალი და საქმე მაქვს, თითოეულ გამოძიებას ესე არ მივყვები. გვყავს ძალიან კომპეტენტური, კვალიფიციური ,ღირსეული კაცი, ვახტანგ გომელაური, ძალიან კვალიფიციური გენერალური პროკურორი ირაკლი შოთაძე, მათ იციან თავიანთი საქმე და მათ კომპეტენციაში მე არ ვერევი“,- განაცხადა ირაკლი ღარიბაშვილმა.